أنا شاب عندي 29 سنة، سافرت الكويت من 6 سنوات لكي أكوّن نفسي، فأنا من عائلة فقيرة ولله الحمد، المهم بعد مرور أربع سنوات اتصل بي الأهل، وقالوا لي: إحنا شوفنا لك عروسة كويسة، وكلّمنا أهلها وقرأنا الفاتحة، اندهشت وشاورت أصدقائي!! فقالوا لي: إنت مش واثق في أهلك؟! المهم وافقت عليها وكلّمتها، وبصراحة وجدتها إنسانة مؤدّبة لدرجة كبيرة وجميلة أيضاً مع إني لم أرَ سوى وجهها، واستمرت الخطوبة لمدة عام ونصف، حتى نزلت لكي أُتمم الزواج، وإذ بي أفاجأ بها "طخينة" جداً مش مشكلة، وقلت ده نصيبي، جمال الجسم مش كل حاجة، المهم تزوّجنا، وبعد مرور أسبوع وجدت أنها امرأة أخرى، فهي عصبيّة جداً جداً، وتمنعني من الخروج من البيت، بل إنها تريد أن تفرّق بيني وبين أهلي كل يوم مشاكل وكل يوم خناق، كنت أتمنّى أن تنتهي الإجازة وأسافر إلى الكويت، وأنا أريد أن أطلّقها بس مش عارف إزاي!!
r1
من جديد تتكرر مأساة الزواج الدليفري، عروسة مصرية صميمة، عريس مصري تقفيل خليجي (وكويتي في حالتنا هنا)، لنكتشف في النهاية أن العلبة فيها إيه؟!! فيها فيييييييييييل!!
وما العجب، فبعد أن مرّ بك قطار العمر في الكويت، وأوشكت محطة الزواج أن تحل، فشعرت بالخطر بضرورة الاستعداد للنزول في هذه المحطة لوهلة، ولكنه لا وقت لديك كي تتم هذه التفاصيل بنفسك، فأنبت عنك أهلك في اختيار عروس مثالية (من وجهة نظرهم).. وقد كان.
ولكن مع كامل احترامي لصديقك الذي اتهمك بأنك لا تثق في اختيارات أهلك إلا أنه مخطئ تماماً؛ لأن المسألة لا تتعلّق بالثقة أو عدم الثقة، ولكنها تتعلّق بأهليتهم للاختيار وأعني...
معايير الوالدين في الاختيار تكون على أساس الشكل المظهري، وعلى أساس الأخلاق الظاهرة (ورجاء وضع ألْف شرطة تحت كلمة الظاهرة)، بالإضافة إلى سمعة العائلة أكانت كريمة أم مهينة؟!! ولكن ماذا عن صفات هذه الفتاة "الإنسانية"؟!! هل هي عنيدة أم لا؟!! سريعة الغضب أم لا؟!! مسيطرة ومتحكمة أم لا؟!! مسرفة أم لا؟!! وبالتالي كل هذه الأمور لا يمكن لأحد أن يتعرّف عليها عن كثب سوى العريس بنفسه وليس بالواسطة.
وربما تقول لي إنك فعلت وخطبت لمدة عام ونصف، ولكني أكاد أجزم أنك لم تستمر معها فعلياً خلال هذه الفترة إلا أياماً معدودات كنت تقضيها في القاهرة، وبالتالي كان الادّعاء من قِبل الطرف الآخر بالبراءة والهدوء أمراً في غاية السهولة طالما أن الزبون مش "مبلّط في الخط"، وبالتالي افتقرت الخطوبة للمعنى والهدف الفعلي لها.
ولكن ليس فيما سبق دعوة خاصة من أجل اليأس والتراجع، فعلى الرغم من كل العيوب التي أسلفت في الحديث عنها فيما يتعلّق بالزواج الدليفري للمغتربين؛ فإنه يبقى هناك أمل قوي أن يكون هناك في نفس هذه الفتاة التي تزوجتها ركناً صالحاً بعد لم نتعرّف عليه، ويجب عليك أن تتعرّف عليه وتجده، ولكن وقبل أن تتعرّف على هذا الركن الصالح المضيء يجب أن تتعامل أولاً مع الأركان الأخرى المظلمة.
ليس مطلوباً منكِ سوى أن تمارس دورك كزوج معها، لا أعني الضرب، ولا أعني الشتم، ولا أعني الإهانة... ولكن الرجولة، السيطرة الذكورية المطلوبة لإنقاذ البيت عندما تصل الزوجة لمرحلة من التملّك والسيطرة يتهدد معها بقاء واستقرار هذا البيت، ولا يمكننا لومها في هذا على أية حال؛ لأنني أتصوّر أنك من سمحت لها أن تصل إلى هذا الحد من البداية الأولى بتساهلك مع طريقة الكلام غير العادية والصوت العالي والعصبية والنرفزة على مواقف واضح أنها أتفه مِن أن ينشأ حولها عراك، وبالتالي أصبحت تصرّفاتها طبيعية مادام رد الفعل غير موجود.
يجب عليكَ أن تتصدّى وبعنف لأي محاولة للهيمنة عليها، وتسترد منها سيطرتك على زمام الأمور داخل البيت، وبحق الله لا أريد أن أسمع منك كلمة "منعتك من الخروج من المنزل"؛ لأنها تشعرني إلى أي مدى انحدر الوضع ودرجة السوء، اصمد أمامها، قف وقفة رجل محب ولكن حاسم، متفاهم ولكن كلماته نافذة، ديمقراطي وإن كان له الكلمة الأخيرة، لا تسمح لها بالتدخل فيما يخص أهلك، واجعل الحديث في هذا الأمر من المحرّمات الزوجية التي يحال عليها أن تتطرّق إليها أو تتعدّاها.
وإذا لامست منها رفضاً وعناداً لهذا الوضع الجديد، وقتها فقط يمكنك أن تلعب بورقة الطلاق، ومعاذ الله أن تفهم من كلامي أن في ذلك دعوة مني لانفصالكما، وإنما أقول بأن تستخدم ورقة الطلاق كمجرد تهديد يردعها ويثنيها ويكبح جماحها، فما من شيء يخيف المرأة ويردعها سوى شعورها بأن بيتها سوف ينهدم بسبب تصرّفاتها هي وعِندها، حتى وإن بدت غير مكترثة بتهديد الطلاق، فصدّقني ستفكّر بينها وبين نفسها ألف مرة فيما بعد قبل أن تعيد الكرة من جديد.
وتذكّر جيّداً أن الطلاق حل الضعفاء تماماً كالهروب من المعركة، وبيتك وامرأتك هما معركتك فاربحهما، وليست زوجتك هي عدوّتك بالمناسبة، ولكن نَفْسها التي بداخلها هي التي تعادي كلا منكما.
وفقكما الله إلى ما يُحبّه ويرضاه،،،
يااستاذ لازم تستخير قبل
يااستاذ لازم تستخير قبل ماتاخد قرارك لان الله سبحانه وتعالى خير معين لك اوعى تظلمها لان كما تدين تدان ولوهترتبط بغيرها بعد كده لازم تكون مستخير ومفكر كويس جدااااااااا لان الحياه مش هنعيشها كل يوم
مممممممممم لو انت شايف ان
مممممممممم لو انت شايف ان الحياة بينكومستحيلة وانك مش هتستحمل كدة كتير يبقى لااااااااااااازم تطلقها قبل ما يكون بينكو اطفال..
انما لو فى امل حاول و ربنا اكيد هيوفقك عشان انت نيتك خير..
لو محتار تعمل ايه و مش عارف هى ممكن تتغير ولا لا على ايدك يبقى لازم تأجلو الخلفة عشان لو متغيرتش ميبقاش الانفصال صعب..و كللو بالحب ;)
انتم عالم بتستهبل ايوه فيه
انتم عالم بتستهبل ايوه فيه كده
ههههههههههههههههههههههههههههه
ههههههههههههههههههههههههههههههههههههههههههه
لا يسعنى سوى الضحك
هههههههههههه
تعيش وتاخد غيرها
بالنسبة للي بينقده عشان معرفش
بالنسبة للي بينقده عشان معرفش طبعها
انا عرفت كتير من الي كانوا بيمثلوا هما و اهاليهم و لما تم الجواز ظهر وجه تاني خالص
ربنا الي عالم ايه الي بيعملوه عشان يوقعوا الضحية في الشباك
طيب انا عايز اتجوز و ماليش
طيب انا عايز اتجوز و ماليش علاقات مع البنات لاني بشوفهم زي الجواهر مش كل واحد غريب يعمل معاها علاقات و يتعرف عليها كويس فمش مدي نفسي الحق ده
اتجوز ازاي يعني
ما هو هنا لازم ترشيحات العيلة
عجبنى اوووى تعليق عمرو ياريت
عجبنى اوووى تعليق عمرو
ياريت تعمل زى ما قالك
حاول تثبت نفسك يامعلم
ودى فرصتك
ربنا معاااااك
معلش اصبر عليها شويه هى اول
معلش اصبر عليها شويه هى اول سنه جواز بيبقى فى اختلاف طباع
و ممكن تقنعها انها تخس و توديها جيم ولا حاجه وتقولها انا مش بحب التخن وياما ناس كتير خسو بعد الجواز بالارادة
ربنا يوفقك يارب
بس يا استاذ المشكلة ديه انت
بس يا استاذ المشكلة ديه انت حطيت نفسك فيها لانك اخترت واحدة انت اصلا متعرفهاش وان اهلك عارفين عنها بس الصفات الظاهرة وكدة يعنى وخلاص انت فى المشكله نفسها فلازم تسايس امورك بجديه وحزم وصدقنى تهديد ورقة الطلاق ديه اخر حاجة تفكر فيها عشان ديه اخر حاجة سيدنان محمد وصانا عليها صلى الله عليه وسلم اول حاجة ممكن تعملها معاها على قول النبى تعرفها غلطها وانك مش قابل الاسلوب ديه فى المعايشة مع بعض
متعدلتش اهجرهم فى المضاجع منفعتش اضربها ضرب بسيط
السلام عليكم بغض النظر عن
السلام عليكم
بغض النظر عن طريقة الجواز وانها مش موجودة دلوقتي دي كانت ايام جدي وجدك بس انتا مشيت علي نفس المنوال بس قضيت فترة الخطوبة ازاي ولا مكنتش بتكلمها ماعلينا من الشكل ممكن مع شوية دايت تبقي تمام بس الطبع ازاي معرفتش طبعها طول السنة ونص يعني حتي لو بتتكلموا علي الموبيل او النت فالمفروض مرت عليكم مواقف تعرفوا فيها طبع بعض ميزات بعض وعيوب بعض كدا يعني بس انت واضح انك متعرفش عنها حاجة وطبعا بعد الجواز انا مش معاك في فكرة الطلاق لان المفروض تديها فرصه تصلح من نفسها .. ومن اسلوبها وانت حاول تتكلم معها عرفها طبعك وانك مش هتقدر تبعد عن اهلك لانهم هما اللي ربوك وانهم مسئولين منك وانك كمان متحبش تبعدها عن اهلها زي ماهي عايزة تعمل معاك .
وحاول انت تكون المتحكم في الامور يعني في شروط وحاجات لازم تحطوها لحياتكم وحاول تكون انت المتحكم في كل شي وهي اللي تمشي علي شروطك مش انت اللي تمشي علي مزاجها يعني الراجل لما بيكون متحكم بكل شي افضل ماهي تتحكم وبعد كدا انت مش هتقدر تعمل حاجة غير انك تنفذ وبس يعني حاول تعمل ده الاول هو هيكون صعب شوية بالاول بس بعد كدا الامور تمشي مضبوط وحياتك تستقر لان الطلاق مش حل .
وتحياتي ليك واتمني لك حياة سعيدة
ههههههههههه بس بلاش موضوع
ههههههههههه بس بلاش موضوع العلبة والفيل ده اصلها جاية على الجرح تستاهل انت وكل اللى بيفكر زيك انتوا فاكرين الجواز ايه اى حاجة تسد ومشى حالك اخص على ده نوع من الناس
اولا انا زيكم مسافر السعوديه
اولا انا زيكم مسافر السعوديه وخطبت وعرفت بنت مش بطريقتكم وكمان مكنتش اعرفها من قبل كده يعني انا سافرت سنه ونزلت الحمد لله تعرفت ببنت وخطبتها وتعرفنا واندمجنا مش كل الي بسافروا بيحصلهم كده والله بس بجد صاحب المشكله ده مالوش شخصيه خالص
من القاهرة ..عندك عروسة ؟؟؟ )
من القاهرة ..عندك عروسة ؟؟؟ ) :
ربنا معاك ---- بس مقلتش انت
ربنا معاك ---- بس مقلتش انت منين من مصر
هي فعلا مشكله والمشكلة الأكبر
هي فعلا مشكله والمشكلة الأكبر ان مفيش طريقه تانيه ..انت مرتبط بشغلك ومش سهل تنزل كل شويه ومفيش وقت تشوف بنات ولا تحب بنات....انا كمان عندي 27 سنه ونازل قريب وعايز اخطب خلال 45 يوم ..انا مش مقتنع طبعا بالكلام ده بس هعمل ايه ؟ مفيش غير كده او عدم الزواج....بالنسبه للاخ بتاع الكفيل ده..مين قالك ان الكفيل بعبع يعني ؟ده علي حسب انت ايه وتعليمك ايه وبتفيد المكان اللي انت فيه ولا لآ....هنا شغل يعني شغل يعني انتاج واللي يغلط يتحاسب واللي يشتغل يكبر....وده اللي احنا عايزينه كلنا
انا متغاظة اوى بجد هو لسة فى
انا متغاظة اوى بجد هو لسة فى حد كدا بيخلى اهله يختاروا له شريكة حياته وكمان ملكش رأى خالص واسعة اوى دى
هو لسه فى ناس بتعمل
هو لسه فى ناس بتعمل كده؟!!!!!!!!!!!!
ازاى يعنى وافقت على الخطوبة وانت مقعدتش معاها
الموضوع وجها لوجه بيختلف خااااااااااااااااااالص
وكمان مشوفتش صور ليها ولا سألتها عن وزنها
امال كنت بتتكلم ف ايه ف السنة ونص دول
وازاى يعنى اكتشفت انها عصبية بعد الجواز ومعرفتش ده ف الخطوبة
بص مش كل حاجة نقول طلاق
حاول تحسسها باهتمامك بيها
وبحبك ليها
لأن مفيش حاجة ممكن تغير الست وتخليها كده غير انها حاسة انها مهملة من جوزها
وان اهتمامه بأهله أكبر
اتعامل معاها بذكاء
ولو على التخن بيتهيألى دى مبقتش مشكلة خااااااالص اليومين دول يعنى
ريجيم وجيم وكده
بس حاول تتفاهم معاها ف لحظة صفا كده مش ف وسط خناقة
وعرفها اللى بيضايقك
واسمع منها اللى بيضايقها
وربنا يهدى النفوس
ادى اخرت اللى يمسع كلام اهله
ادى اخرت اللى يمسع كلام اهله ؟؟؟
طبعا انت غلطان هو فيه كده بردك !
تتجوز واحده واهلك اللى اختاروها خلاص اشرب بقه يا معلم ...
ياراجل حد يتجوز كده برضه ؟؟!
ياراجل حد يتجوز كده برضه ؟؟! سيبك إنت اللي فيه راحتك إعملــه
هههههههههههه ايه يا ابني دا
هههههههههههه
ايه يا ابني دا يا عم طلقها دي شكلها مطلعة عينك وسايقة عليك الفردة
انت سيد قرارك فكر كويس جدا
انت سيد قرارك فكر كويس جدا جدا ثم قرر.وان ابغض الحلال عند الله الطلاق.
اولا:عام ونصف العام ومتعرفشي
اولا:عام ونصف العام ومتعرفشي انها تخينة امال بتتكلم في ايه؟
ثانيا: عام ونصف العام متعرفشي حاجة عنها خالص انها عصبية بتحبك ولا لأ ولا بتحب اهلك ولا لأ ؟
للاسف يا.... انت مبتعرفشي تميز الي قدامك وكمان انت مسافر برة مصر وانا برده خاطب وبرة مصر بس الي بيكون متعلم كويس وفاهم الدنيا بيعرف ازاي يختار وبيعرف ازاى يعرف قدرات ومواصفات الي قدامة حتي ولو بعتت صورة لوشها بس !!!
اياك تطلقها وترميها ده ذنب في رقبتك دي مش لعبة او متفكرشي نفسك كفيلها تعمل فيها الي بيعمله فيك كفيلك في الكويت طبعا فاهمني...
حاول تعقلها وتعرف ايه الي بيبسطها وايه الي بيخليها تتعصب وتحل المشكلة بينكم وبينها فقط ...
