أنا عندي مشكلة كبيرة جداً، ومش عارفة أعمل إيه.. أنا في آخر سنة في الكلية.. السنة اللي فاتت اتعرفت على زميل ليّ في الكلية كنت باستلطفه أوي.. هو شكله مش حلو خالص؛ بس أنا كنت بحب اتكلم معاه.
هو كان أكبر مني بسنة؛ يعني هو دلوقتي اتخرج وبيشتغل، وبعدين طلب مني إني أرتبط بيه.. في الأول كنت مترددة، وبعدين وافقت، ودلوقتي إحنا مخطوبين من شهر تقريباً واتفقنا إن الجواز بعد سنتين.
طول الوقت بيكون فيه مشاكل.. ودلوقتي أنا مش حاسة إني بحبه زي الأول، وبصراحة أنا عايزة أفسخ الخطوبة وأنا مش قلت له على اللي جوايا ده لا أنا باعامله عادي؛ بس هو لسه بيحبني جداً.
وبصراحة أكتر هو فيه سبب تاني مخلّيني عايزة أنهي الموضوع ده غير كترة المشاكل دي؛ وهو إني ساعات بأقرف منه؛ يعني في طريقة أكله أو طريقه كلامه مع الناس.. هو إنسان طيب جداً وحنيّن؛ بس الحاجات دي هي اللي بتضايقني منه.
ومش تقولوا إن الحاجات دي هايفة، لا أنا مش شايفاها كده، لما أحس إن ده الإنسان اللي هاكمّل معاه بخاف أوي.. وعندي في البيت مش بيحبوه أوي؛ بس هم بيتعاملوا معاه كويس جداً عشان أنا عايزة أنهي الموضوع من غير ما هو يتجرح.
أعمل إيه؟ أتكلم مع بابا وماما ولا أكلمه هو الأول؟ محتاجة الرد بسرعه أوي.
Calm girl
صديقتي العزيزة... من فترة طويلة جداً لم أسمع عن شاب يرتبط بفتاة في الجامعة "ارتباطاً ودياً"، ثم ما إن يتخرج ويعمل يذهب على الفور لخطبتها رسمياً.. عادة يدوم الارتباط الودّي لسنوات طويلة يملؤها الحب والخروج والفسح والأمل في ارتداء فستان الخطوبة ولبس الدبلة في يدك اليمنى؛ ولكن للأسف تنتهي الأحلام بصفعة من الواقع المرير الذي يقودنا إلى أحد طريقين: إما أن يترك هذا الشاب فتاته التي أمضى معها هذه السنوات من أجل فتاة أخرى لم تخرج معه ولم ترضَ بعلاقة حب ودّية، أو تنتهى باستيقاظ الفتاة على مفاجآة السنوات الطويلة والكثيرة التي أهدرتها مع شاب لا يفكر إطلاقاً في أن يأخذ أية خطوات أبعد من المكان الذي اعتاد هو وهي أن يتقابلا فيه خلسة.
ولكن.. معك حدث شيء نبيل وشريف، يجعلني شخصياً -وأنا لا أعرف هذا الشاب- أن أنحني له احتراماً وتقديراً.. إنه الشاب الذي راعى حُرمتك واحترمك وقدّرك وقرر أنه عند أول فرصة ممكنة سينقلك من مهانة "الارتباط الودّي" إلى تكريم "الارتباط الرسمي والشرعي"، ومع الأسف يصحب هذا الانتقال مشاكل وعقبات.
تتمثل المشاكل في كون العلاقة أصبحت رسمية وبالتالي أصبح هناك مسئولية وتفكير جدي؛ لذا من الطبيعي جداً أن يصحب هذا الارتباط المشاكل، ولكن هذه المشاكل عادة ما تقوّي هذه العلاقة وتثقلها؛ لأنه من خلالها يتعرف الطرفان على حقيقة ومعدن بعضهما؛ ولكن بشرط أن يتفهّم الطرفان مسئولية هذه العلاقة وأن يكونا على قدر المسئولية.
أما العقبات التي صاحبَتْك في علاقتك وخطوبتك لهذا الشاب هي بعض عاداته التي تقولين إنها تصيبك بالقرف الذي من الصعب أن تحتمليه.. لن أجادلك في فكرة أنها أمور تافهة من عدمه؛ فما أستطيع أن أتحمله أنا من الممكن ألا يستطيع غيري تحمّله والعكس صحيح.. إذن هي مسألة قدرات بحتة؛ ولكن السؤال هنا: ما أدراكِ إن كان هذا الشاب يري فيكِ أيضاً ما يصيبه بالقرف؛ ولكنه يتغاضى عنه لأنه يحبك جداً كما تقولين في رسالتك؟
وإذا حدث وصرّح لك بما يُقرفه منك، ماذا سيكون رد فعلك؟ وبماذا ستشعرين حينها؟ هل ستحتقرينه لأنه تغاضى عن كل صفاتك الشخصية الحميدة وتوقف عند أمر -من وجهة نظرك وقتها- أنه ثانوي، أم أنك ستتفهّمين موقفه وتُدركين حينها أن هذه المور ليست بالتافهة، وأن ما أتحمله أنا قد لا يتحمله غيري.
عزيزتي.. نصيحتي لك أن تستخيري الله في أمرك؛ فهو أقدر من يختار لك، واعلمي أن رسولنا وحبيبنا محمد -صلوات الله وسلامه عليه- قد علّمنا في حديثة الشريف كيف نختار شريك الحياة قائلاً: "إذا جاءكم من ترضون خلقه ودينه فزوّجوه" صدق رسولنا الكريم.
خلي ربنا يختارلك يعني صلى
خلي ربنا يختارلك يعني صلى صلاة إستخارة وإمشى في قرارك زي ما يكون سواء هتكملى أو هتنفصلي عنه وأكيد ده هيكون خير ليكي وليه طالما إستخرتي ربنا لان ربنا لايقسم لنا إلا الخير بس أوعي تماطليه لان ده هيجرحه أووووووووووى وعشان متندميش بعد كده وتحسي إنك ظلمتي إنسان
ممكن يكون هو كمان بيتقرف من
ممكن يكون هو كمان بيتقرف من حاجه بتعمليها مفيش انسان كامل
بس اكيد متغاضى عنها عشان بيحبك وشايف ان كل عيوبك محاسن ومفاتن
بس اقولك ايه ازاى هتشوفيه حلو اونتى اصلا مش عاجبك شكله
هو ظلم نفسه اصلا لما اختار غلط وانتى ظلمتى نفسك انك مفكرتيش كويس فى الاول هو بيحبك بس واضح انك متستحقيش الحب دا
خساره مش لازم كل قلب نحبه يحبنا
صارحيه باللى بيقرفك اكيد هيتغاضى عنها عشان بيحبك
ولو انتى حاسه انك مش هتحبيه يبق حضرتك كنتى بتتسلى وصحيتى بقى وذنبه انه غلط وحبك
تحياتى لكل من قرأ رسالتى
بس بس بس انتوا هتتخانقوا
بس بس بس انتوا هتتخانقوا !!
ايه يا بنوتات وايه يا شباب
صلوا ع النبى كدا
وانتى يا بنتى طالما مش عاجبك متقليليش منه قدام حد وافسخى خطبتك ودا حقك
واكيد هتلاقى اللى يقدرك
واكيد هوا كمان هيلاقى اللى تقدره
(ربنا يهديكى)
لازم تنفصلى وتشوفى واحد
لازم تنفصلى وتشوفى واحد امور اكتر يع يع انا عايز اعرف هو بيلعب فى..........مناخيبرره ويحط فى بوقه ولا ايه عايز اعرف والنبى وبواقى الاكل بيتفها فى نفس الطبق الى بياكل فيه ولا بيتغرغر بالعصير ويرجع فى الكوبايه وبعدين منين كنتى بتحبى تتكلمى معاه ايام الكليه ومنين بتقرفى من كلامه دلوقتى ايامها كان مبيريلش لان بيحطولنا كوله على مريله الكليه
ههههههههههههههههههههه والله
ههههههههههههههههههههه والله العظيم عندك حق دا اسمه دلع بنات لازم تعرفى ان دا انسان ميتلعبش بيه ربنا يهديكى
انا عندى مشكلة اطرحها ليكم
انا عندى مشكلة اطرحها ليكم ازاى
====================
رد بص وطل
شكرا على ثقتك فى بص وطل وبالنسبة لمشكلتك فتقدرى تبعتيها من خلال الضغط على لينك " لو عايز تفضفض لنا دوس هنا " والموجود فى نهاية كل فضفضة بباب " سؤال محيرنى " قسم " فضفض لنا ".
هو الدعاء بقى كلمتين والسلام
هو الدعاء بقى كلمتين والسلام انتى بجد مستفزه متستاهليش انى ارد عليكى
انا نفسى يا بص وطل تنشروا
انا نفسى يا بص وطل تنشروا الردود اللى تفيد صاحب المشكلة وفيها رأى يمكن ينفعه
وبلاش تنشروا تعليقات التريقة والحاجات دى
لأن اللى بيشوف مشكلة حد على انها هايفة ف سورى يعنى يبقا هو اللى تافه
دى واحدة بعتت مشكلتها اللى مش تافهة ولا حاجة عشان تسمع رد ناس عاقلين
مش تسمع كلام ملوش لزمة
انتى فسختى خطوبتك وده أريح ليكى وله
ومش حاجة بسيطة ان حد يحس ان شريك حياته مقرف ف حاجات معينة
ولو ولد حس بده ف حبيبته أو خطيبته
بيعمل حاجة من اتنين إما بيسيبها أو بيصارحها بده
هى بقى سألت الناس
يبقى اللى عنده رد مفيد يكتبه واللى مبيعرفش يرد ميدخلش القسم من أصله بلاش استفزاز بقى
والناس اللى بتدخل تكتب دعاء وتمشى كأننا كفرة مثلا وبتفكرنا بربنا
بيتهيألى لكل مقام مقال
يعنى اللى داخل قسم فضفضة داخل عشان يقول كلام يساعد بيه حد
مش يكتب كلمتين والسلام
انا فعلا اهم حاجه ف الراجل
انا فعلا اهم حاجه ف الراجل اللى اتجوزه النظافه ليكى حق والله يابنتى
المهم ان كله نصيب
ههههههههههههه لا حول ولا قوه
ههههههههههههه لا حول ولا قوه الا بالله, واحد بيقول مفيش بنات تستاهل وكأن هو ملوش اخوات ولا ام ولا اخت ولا خاله ولا بنت عم يعنى انت شايف لو ليك اخت انها حقيره؟؟؟؟ وبنت عمك شايفها حقيره؟؟؟؟؟ والاخت بترد عليه بتقوله فعلا اغلبكم مقرفين,ههههههه يعنى شايفه اخوها مقرف ووالدها احتمال تكون شايفاه مقرف , جميل اوى , عماااااااااااااااار يا مصر.
بجد مافبش احلي من رد الموقع
بجد مافبش احلي من رد الموقع المتميز دائما موقع بص و طل لأن فعلا اهم حاجه اليومين دول الاخلاق و هي ديه الحاجه اللي لازم البنت مننا تدور عليها كويس
انا صاحبه المشكله ..ومين
انا صاحبه المشكله ..ومين قالكوا انه مش كان بتاع بنات ...انا اكتشفت ده بعد الخطوبه ان ليه بنات اصحابه بيحكيلهم عي مشاكلنا اللي بتحصل ولما عرفت كده اضايقت جدااا وعملت معاه مشكله واعتزرلي وبعدين رجع يكلمهم تاني ده شخص اصلا مش امين عايز ياخد كل حاجه وبس يتجوز واحده محترمه ويصاحب بنات ويعيش حياته
اه هو فعلا كان مقرف جداااا في طريقه اكله موووت واغلبيه الولاد كده مقرفين مش بيعرفوا يشرفوا البيت اللي معاهم في اي مكان عام للاسف
وبعدين الشخصيه اللي بتقول اني متناقضه ..لو ركزت في كلامي كنت بقول في الاول كنت بستريح معاه في الكلام يعني هو كان مصطنع اصلا ولما اتخطبنا بان علي حقيقته انه اقل مني بكتيررررررررررر والحمد لله انا فسختها ومستريحه جداااا ومش ندمانه ولا حااااجه خالص بالعكس ده انا فرحانه جدااااا
لسلام عليكم انا اعزز كلام
لسلام عليكم انا اعزز كلام الاخ اقسم بالله ماتستاهلى
صحيح مفيش بنت فى الدنيا تستاهل انها تتحب خالص
كلهم طينه وسخه........؟
ياريت تحفظ ادبك وفعلا بقا
ياريت تحفظ ادبك
وفعلا بقا اغلبكم مقرفين فى طريقة الاكل وطريقة التعامل ياريت تحسنوا من اسلوبكم ده عشان بجد احنا خلاااااص قرفنا
ربنا يابنتى يكون فى عونك ويكون معاكى ديما
اسمى كلام الدكتور وصلى صلاة استخاره
انا مش عارفة انتي وافقتي علي
انا مش عارفة انتي وافقتي علي الخطوبة ليه من اساسه انا شايفة ان بطريقة كلامك عنه لازم تنفصلي وتسيبيه طبعا مش معقول ده كلامك عن واحد هيكون جوزك
بصراحة انا شايف الاول تتأكدى
بصراحة انا شايف الاول تتأكدى من مشاعرك ناحيته ممكن كانت فى الاول مش سليمة بس برده حاولى لو كان الشخص ده كويس تقولي له عيوبه بصراحة ويحاول يعدلها كفرصة وشوفيه عنده استعداد ولا لا ولو عدلها ادى لنفسك فرصة فى التفكير تانى هو لسة زى مانتى كنت بتحسى بية فى الاول ولا خلاص ولو فعلا مش طايقة هلاص انا شايف انك تصرحى لة بكل ادب واحترام وتنهى الموضوع ونصيحتى ليكى دايما ارتبطى بالشخص بعد ماتدرسية كويس فى كل تصرفاتة وسلوكياته واجتماعياته لانها مش جوازة والسلام ده حيبقى جزء منك ومرتبطة بية قدام كل الناس يعنى لو طباعة او سلوكياته مش بيتوافق معاكى حيسبب ليكى مشاكل على مدى بقية حياتك فى كل تعاملاتك وربنا يكرمك باللى يناسبك
والله لو انتى مش ايفه انك
والله لو انتى مش ايفه انك تقدرى تكملى معاه حياتك
يبقى انهى الموضوع فعلا
لكن خلى بالك انتى كدا بتجرى ورا المظاهر ودا مش كويس
عارفه لو فكرتى كويس , هتعرفى
عارفه لو فكرتى كويس , هتعرفى انك مخدوعه بالدنيا. سيدنا عمر بن الخطاب لما سئل عن نفسه من يكون؟؟؟ قال خلقت من نطفه حقيره من مجرى البول وها انا احمل الغائط فى بطنى وسأموت ويأكلنى الدود. دا سيدنا عمر بن الخطاب. عارفه الشاب دا فعلا انتى مش تستاهليه , يعنى ايه مش حلو؟؟؟؟ انتى شايفه نفسك حلوه؟؟؟طيب حلوه ليه؟؟؟ عشان شكلك؟؟؟طيب هو مقياس الحلاوه عندك بالشكل؟؟؟ طيب لو هو انسان مش محترم وبيلعب من وراكى وبيكلم دى ودى هتحبيه؟؟؟ ولا لازم يكون تامر حسنى عشان تحبيه؟؟؟ عمر الجمال ما كان بالشكل ولو الجمال بالشكل فاتأكدى انك مش جميله, لأن ربنا جعل الجمال فى الخلق والقلب والتدين, ولو سبتى الشاب دا فصدقينى دا خير له هو عشان انتى مش تستاهليه وهو يستاهل احسن منك. ووقتها دورى على الجمال بأه وابقى جربى شاب يكون بيكلم 20 بنت ولا حاجه, عشان ترتاحى,وتصدقى بالله معلومه هقولهالك نسبه الشباب المحترم فى البلد دى قليله جدا ومواصفات الشاب دى جميله جدا وراجل دا مرضاش يتسلى بيكى , وبيحبك , يبقى جزائه انك تقولى عليه كدا؟؟؟ عارفه فعلا متساهليهوش,وربنا يصلح حالك ويشيل الغشاوه من ادام عنيكى.....
هقول لحضرتك حاجه بسيطه جدا.
هقول لحضرتك حاجه بسيطه جدا. لو الشاب دا زى تامر حسنى وجنتل وقمر وبيلعب بيكى وبيلعب من وراكى , هتحبيه؟؟؟؟؟ انا لو مكان الشاب دا هبعد عنك فورا ونصيحتى بجد بجد ليكى انك تبعدى عنه مش عشان مصلحتك انتى دا عشانه هو عشانه انسان كويس يستاهل حد كويس ,قرفانه منه فى الاكل والشرب والكلام مع الناس؟؟؟؟ ليه حضرتك انجلينا جولى مثلا؟؟؟؟ ولا مش انسانه دا سيدنا عمر بن الخطاب لما سألوه انت مين؟؟؟ قالهم انا عبد من عباد الله خلقت من نطفه حقيره وبطنى بها الغائط, وسأموت ويأكلنى الدود. فكرتى لو لا قدر الله ربنا اصابك بابتلاء تشوه لا قدر الله او حاجه زى دى هو هيقرف منك؟؟؟؟؟ لا حول ولا قوه الا بالله. عموما ربنا يهديكى,واوعدك ان هيجيلك يوم هتندمى انك سبتيه؟ وقريب جدا جدا لو سبتيه.
انا شايفه انه طالما هو محترم
انا شايفه انه طالما هو محترم كدا وشاريكي وبيحبك
يبقي غلطانة لو سيبتيه
ان كان علي طريقه اكله او كلامه قوليله وهو عشان بحبك هيتغير عشانك ويغير اي عاده وحشه فيه
انما لو في سبب تاني ودا ال ارجحه ان انتي مثلا ندمانة انك ارتطبطي به بسبب شكله فدا مش يقدر يغيره لان دا خلق ربه فأحسنلك سيبيه وهو هيلاقي ال تفهم كويس ان الواحد مش بشكله انما بأخلاقه وشهامته
وماتنسي برده تستخيري ربك قبل ماتقومي بأي خطوه عشان ماتندميش
لا هي عندها حق جدااااا انها
لا هي عندها حق جدااااا انها تفسخ الخطوبه ....بتقولك عليطول في مشاكل وهي مش بتحس معاه براحه.. في ناس بعد شهر من الخطوبه تعمل مشاكل وهو السبب فيها اصلا ...البيت دي صاحبتي اصلا وانا عارفه ان المشكله دي بتاعتها وهي فسختها دلواتي والحمد لله حاسه براحه شديده واهلها كمان قوللها مبروووك انها فسختها لانه مش كان من مستواها خالص كان اقل منها بكتر وكان بيتخانق معاها علطول يعني عقد نقص بقي والحاجات دي بانت لما دخل عندنها البيت وشاف مستواها يعني بعد الخطوبه وقبل الخطوبه مش كان بان الحاجات دي
وياريت محدش يغلط فيها لانها عملت الصح
في الحقيقة انا مش هكلمك بشدة
في الحقيقة انا مش هكلمك بشدة زي اصحابنا اللي كلموكي بشدة شوية ولكن هقولك بعد الاستخارة طبعا مفيش كلام والموضوع اساسا بيتوقف علي تفضيلك هل بتحبي الطيبة والحنية اللي فيه اكتر او بتحبي الاتيكيت والزوق في الكلام والاكل واللبس اكتر وكل شئ ممكن يتعالج ان شاء الله يعني لو بيتكلم وبيشوح مثلا يعني بايده قوليلي مبلاش كدة عشان مبحبش كدة لو بياكل بسرعة قوليلو باسلوب كويس انك مش بتحبي كدة وانو لو مش عزيز عليكي مش هتقوليلو التوضيحات ديه وكدة والامر في ايدك في الاخر وربنا يكرمنا يارب جميعا
ياجماعة بلاش الكلام الجامد
ياجماعة بلاش الكلام الجامد اوى دا انتوا سمعتوا حد فيكوا شاف مايمكن ان لو حد شاف مننا يقول معها حق على فكرة مش شرط ان البنى ادم يبقى طيب وحنين وبس لازم يبقى وجهة للبنت او لمراتة وانا من منطلق رسالتى دى بقولها لو انتى مش عاوزاة سبية لحال سبيلة ومتظلميش نفسك ولا تظلمية معاكى اكتر كدا ....
كلميه هو وقوليله انك بعد
كلميه هو وقوليله انك بعد الخطوبة اكتشفتى ان حبك ليه اخوى وان مش هينفع تكملى معاه لانك مش حساه كزوج بس .انما فعلا الاسباب مش تافهة لازم تسبيه طالما شيفاه كدة
حاولى تتغاضى عن الحاجه دى دا
حاولى تتغاضى عن الحاجه دى
دا بيحبك
محدش لاقى حد يحبه الزمن دا
الحب موجود اه
بس الحب الحقيقى هو اللى صعب اننا نلاقيه
ودا بيحبك واهو خطبك
كملى معاه واستحمليه
مش يمكن يجيلك حد بعده تقولى ياريت؟
الرد فعلا جميل وبعدين هو ولد
الرد فعلا جميل
وبعدين هو ولد محترم جدا وحافظ عليكي
سوري يعني
خسارة فيكي
لا طبعا ابعدى عنة عشان
لا طبعا ابعدى عنة عشان متظلمهوش ومتظلميش نفسك معاة وفى الاول والاخر كل شئ قسمة ونصيب لو نصيبك معاه هاتتجوزية ولو لا يبق هتبعدى عنة
مفيش حد كاامل يا حلووه !
مفيش حد كاامل يا حلووه ! وله انتى عاوزه وحد شكله حلو ووسيم وغنى ومعاه شهاده كوويسه ورومنسى ويسعدك فى شغل البيت ويحسسك انتك ملكه متوجه .... وووووو الى اخررره
احب اقوولك ان النوع ده مش موجووووووود ولو هتفسخى خطبتك علشان تستنيه فحب اقوولك ان احتماال انك تقوولى (( عاوزه اتجوز )) ربنا يهديكى ويهدينااا
كلامك متناقض منين كنتي بتحبي
كلامك متناقض
منين كنتي بتحبي تتكلمي معاه
ومنين بتقرفي منه ومن طريقة كلامه مع الناس وطريقة اكله
ومنين انه بيحبك وفيه مشاكل
بصي من الاخر مشكلتك الحقيقية فيكي انتي
اللي مخليكي عايزة تسيبي خطيبك انه موش وسيم او زي القمر
انتي ممكن علي فكرة تختاريلك واحد من العيال الفرافير اللي مقضينها فيس بوك ومسنجر واتصالات طول الليل وتسبيل والكلام الهابط ده
بس صدقيني هتندمي جدا علي خطيبك ده وخصوصا انه بيحبك وبيخاف عليكي
بصى بجد ربنا معاكى عشان هو
بصى بجد ربنا معاكى عشان هو فعلا موقف محرج وصعب بس انتى اللى حطيتى نفسك فيه وانتى اللى لازم تخرجى نفسك منه سواء انك تقبلى وتكملى او لا قدر الله الاختيار التانى وربنا معاكى
اللي فهمته من كلامك انك صحيتي
اللي فهمته من كلامك انك صحيتي فجأه قولتي لنفسك ايه اللي انا عملته في نفسي ده
وبتحاولي تخلقي اي عذر عشان تسيبيه
نصيحه سيبيه عشان ما تظلميهوش هو قبل ما تظلمي نفسك
اللي اعرفه ان الواحد لما يبدأ يشوف اسوء الصفات في الانسان اللي قدامه
معناها انه مش بيحبه ولا عمره حبه من الاساس
كلمي والدك واشرحيله الظروف وهو ينهمي الامور معاه
الافضل تقولي اللي انتي
الافضل تقولي اللي انتي حكيتيهولنا ده لمامتك ومامتك تقول لباباكي وهما هيتصرفوا
ههههههههههههههههههههههههههههه
هههههههههههههههههههههههههههههههه والله ما قدرت امسك نفسي من الضحك جامده اوي إنها بتقرف منه دي هههههههههههههههههههههههههههههههههههههههه
الواحد بيتجوز عشان يرتاح ويشوف حد بيحبه علي طول مش يشوف حد بيخاف منه وبيقرف منه
لا اله الا انت سبحانك اني كنت
لا اله الا انت سبحانك اني كنت من الظالمين
يا مقلب القلوب ثبت قلبي على دينك وطاعتك
رب اجعلني مقيم الصلاة ومن ذريتي ربنا وتقبل دعاء
لله لا اله الا انت سبحانك اني
لله لا اله الا انت سبحانك اني كنت من الظالمين
اللهم انصرني علي من ظلمني وارني فيه ثارى واقر بذلك عيني
اللهم اجرني من عذاب القبر وعذاب النار
اللهم انك عفو تحب العفو فاعف عني
اللهم متعنا باسماعنا وابصارنا واجعلها الوارث منا ما حيينا يارب العالمين
وصلي الله علي سيدنا محمد وعلي اله وصحبه اجمعين
رد مع اقتباس
اللهم ارزقني قبل الموت توبة
اللهم ارزقني قبل الموت توبة وعند الموت شهادة وبعد الموت جنة
واغفر لي ماتقدم من ذنبي وماتأخر
يا الله يا الله يا الله
لا إله إلا أنت سبحانك إني كنت من الظالمين
أستغفرك ربي وأتوب إليك
اقسم بالله انتى ما تستاهلى
اقسم بالله انتى ما تستاهلى حاجة خالص لانك وبكل غرور وتكبر تهينين انسان اراد ان يحييك فقط وانا باقول لها لكل شاب اقسم بالله ما فية بنت تستاهل فى الدنيا دى حاجة حلوة كلهن حقيرات
ياريت تحفظ ادبك وفعلا بقا
ياريت تحفظ ادبك
وفعلا بقا اغلبكم مقرفين فى طريقة الاكل وطريقة التعامل ياريت تحسنوا من اسلوبكم ده عشان بجد احنا خلاااااص قرفنا
ربنا يابنتى يكون فى عونك ويكون معاكى ديما
اسمى كلام الدكتور وصلى صلاة استخاره
