السلام عليكم ورحمة الله.. أولاً أحب أن أشكركم على هذا الموقع الرائع، وأحب أن أعرض مشكلتي.
أنا فتاة أبلغ من العمر 20 عاماً، تقدّم لي شاب عمره 32 عاماً، متدين ويعرف الله جيداً، تقيّ ووَرِع، يريد زوجة وأنيسة، ميسور الحال، من عائلة محترمة جداً وذو مركز اجتماعي مرموق، ويعمل دكتوراً صيدلياً بالسعودية، شكله جميل.
أنا مترددة.. أحياناً أُصِرّ على إتمام الموضوع بأقصى سرعة، وأحياناً أخرى أرفض بشدة ولا أقدر على التفكير بالموضوع.. والدتي موافقة وأنا محتارة بين البحث عن شاب صغير السن أو الموافقة على هذا الشخص بما سيقدّمه لي من متعة السفر ورؤية جميع بلدان العالم والعيش في الإسكندرية والتمتع بشبابي؛ مع العلم أنني محرومة من كل وسائل المتعة والترفيه؛ فأنا لا أخرج من منزلي إلا لدراستي فقط لا غير.
أرجو الرد بسرعة والسلام عليكم.
bosbos
قال رسول الله صلى الله عليه وسلم: "إذا جاءكم من ترضون خلقه ودينه فزوّجوه؛ إلا تفعلوا تكن فتنة في الأرض وفساد كبير".
معنى هذا أن الرسول عليه الصلاة والسلام أمر بزواج الفتاة لمن على دين جيّد، وأنت يا عزيزتي تقولين إن هذا الشاب متدين ويعرف الله جيداً، وتقي وورع، وفوق ذلك يريد زوجة تؤنس وحدته، وأنه ميسور الحال عائلته محترمة جداً، ولها مركز اجتماعي مرموق ويعمل في وظيفة محترمة، وسيم.. ماذا تبقى إذن؟ أرسل الله لك شاباً به كل الصفات الحميدة وتريدين رفضه.. لماذا؟
من أجل فارق السن؟؟ أي أن السن هو المشكلة بالنسبة لك، اثنتا عشرة عاماً بينك وبينه.. هل تعتقدين أن هذا الفرق كبير جداً؟
لا أعتقد ذلك يا عزيزتي؛ خاصة أنه لم يفارق سن الشباب بعد، فشاب في الثانية وثلاثين من عمره، هو شاب في قمة شبابه ونضوجه من كافة النواحي الجسدية والعقلية، هو ليس كهلاً أو شيخاً ليكون زواجك منه ظلماً لكِ ولشبابك؛ بل لا أعتقد أنه بعيد كثيراً عن عالمك وفترتك الزمنية؛ فستجدينه يعرف ذات ما تعرفين، وقرأ نفس ما قرأتِ؛ بل واستمع إلى ذات المطربين الذين أحببتهم يوماً، بالتأكيد سيكون هناك اختلافات؛ ولكنها مقبولة، ولن تختلف كثيراً لو تزوجتِ شاباً يكبرك بخمس أو ست سنوات فقط.. على العكس فهناك الكثير من الزيجات يكون فيها الزوج والزوجة في سن واحدة ويسبب هذا العديد من المشكلات، لأن الزوج لم ينضج بعد ولا يستطيع أن يتحمل مسئولية زوجته ومسئولية بيت كامل؛ فهو يرى ذاته شاباً صغيراً من حقه التمتع بالحياة كما من حق زوجته.
ووقتها تجدين شكوى الزوجة الدائمة كونهما في سن واحدة يتعاملان مثل الأطفال في عناد ومهاترات لا تنقضي من مشكلات تافهة ليس لها أية فائدة في مسار الحياة.
فعادة يا عزيزتي تنضج الفتاة قبل الشاب؛ فلو كنتِ أنت وسنك عشرون عاماً قد جاءك فتى في نفس سنك؛ فتأكّدي أنك سوف تكونين أكثر نضجاً منه في أغلب الحالات؛ مما يجعله في نظرك أقل من المتوقع دائماً.. لذا يفضّل أن يكون هناك فارق في السن بين الزوج والزوجة.
غالباً يكون الفارق المعقول من أربع إلى سبع سنوات.. وهو الفارق المتقبل اجتماعياً دائماً..
ولكن كما قلت يا عزيزتي فخاطبك به من المواصفات الجيدة التي تتمناها أية فتاة في زوج المستقبل، وهو أمر يجعلك تتنازلين عن زيادة فارق السن بهذا الشكل البسيط.
ثم إن الدين لم يضع سناً معينة للزواج؛ فالرسول صلى الله عليه وسلم تزوّج مَن هي أكبر منه، ومن هي أصغر منه بكثير؛ لذا فالأمر غير مذموم دينياً، وغير منتقد اجتماعياً أيضاً.
فكّري يا عزيزتي في حال رفضتِ هذا الخاطب من أجل فقط فارق السن هذا، ثم حظيتِ بشاب في عمرك يفتقد كافة مميزات الآخر؛ ولا أعني هنا المادة فقط فهي آخر ما تفكرين به؛ بل أعني التديّن والنضج والعائلة المحترمة والمكانة الاجتماعية المرموقة.. فماذا استفدت من زوج شاب خالٍ من المميزات؟
استخيري الله وتوكلي عليه وأتمي الزواج؛ ولكن بشرط أن لا تكون موافقتك بسبب أنك تريدين أن تري الدنيا وتتمتعي بما كنت محرومة منه في حياتك الحالية؛ أي ألا تكون موافقتك وأنتِ كارهة لهذا الشخص أو نافرة منه، فقط من أجل أن تنعمي بمستوى مادي أفضل.. بل لو كان الأمر كذلك فيُفضل أن ترفضي وتنتظري أن يأتي لكِ من تقبلينه أولاً، سواء كان متيسراً أم لا، من مكانة اجتماعية أفضل أم لا.. إلخ.
لذا يجب أن تكون موافقتك عن اقتناع بهذا الشخص وعن رغبة في بناء أسرة وحياة مستمرة وممتدة بإذن الله مع من ترتضينه وتوافقين عليه بقلبك وعقلك سوياً.
الجوازة دى مباركة ان شاء الله
الجوازة دى مباركة ان شاء الله لان فرق السن حلو جدا لان الست بتكبر قبل الراجل وبصى كدة وانتى جنبة حتلاقى الناس بتقول اكن مفيش فرق سن ما بينكم وافقى
انا هقولك رأيى أنا حاسة ان
انا هقولك رأيى
أنا حاسة ان الفرق ده كبير
يعنى انتى هيكون عندك 30 سنة وهو 42
هتلاقيه اهتمامتكم اختلفت
والحوار بينكم مبقاش موجود
انا بقول كده عشان شايفة ناس كتير الفرق بينهم 10 سنين وبعد شوية بيحصل كده
وفى طبعا ناس بيبقوا سعداء عادى
على حسب رأيك ف موضوع السن وعلى حسب شخصيته أدامك
فكرى باحساسك يعنى شوفى مرتاحاله ولا لأ
فى مواصفات كان نفسك تكون موجودة ف شريك حياتك ولا لأ
هل فى مميزات شاداكى ناحيته غير موضوع الفلوس والفسح ده ولا لأ
بصى يا بوسبوس بجد بجد
بصى يا بوسبوس بجد بجد فرق السن يا بنتى بيبقه كويس فى احيان كتير زى الحاله دى انه يكون ميتدين حيراعى ربك فيكى وكمان امور يعنى حتلاقى فيه الجمال والمال وزى ما شيماء قالت حديث النبى.........ده فيه اخلاق ودين زى ما بتقولى زيدى كمان مال وجمال يبقه تمام واتوكلى عالله اهم حاجه بس بنصحك تتاكدى منها الاخلاق بجد علشان لو عنده دين بس اخلاقه كويسه ممكن فيوم يضعف دينيا زينا كلنا فاللى حيفضل الاخلاق وتربية البيت سعتها لما تحصل مشكله ربنا يعافيكم لو متربى حيقلك مينفعش يا بوسبوس ولو اخلاقه نص لبه حيقلك مينفعش يا بوسبوس يا بنت ال........هههههههههههه وكمان بجد فرق السن فى عمرك ده حيخليه يحتويكى ويقدر يفهمك وصحيح ده 32 يعنى انا اه 28 قربت اعجز....هههه وبعدين كمان الفرق ده حيكون كويس يوم ما يكون 50 حتكونى 38 يعنى مليه عنيه بشبابك وعلميا الستات بتعجز قبل الرجاله وكده خدى بالك من انه كمان مرتاح ماديا وده شىء يخليه بردوا كويس........واعملى استخاره قبل اى شىء
استخيري الله وتوكلي عليه
استخيري الله وتوكلي عليه وأتمي الزواج؛ ولكن بشرط أن لا تكون موافقتك بسبب أنك تريدين أن تري الدنيا وتتمتعي بما كنت محرومة منه في حياتك الحالية؛ بل يجب أن تكون عن إقتناع بأن هذ الشخص هو الذى أراده الله لك للعيش فى الحياة الكريمة المستقرة تحت مظلة الإيمان والمودة والرحمه......
السلام عليكم اختى العزيزه
السلام عليكم
اختى العزيزه والله انا فى نفس موقفك ونفس فرق السن بس انا بحبه جدا ووافقت على الخطوبه على طول وفرق السن مش كبير ولا حاجه توكلى على الله مش هتندمى السن بتاعه دا انسان ناضج جدا وفاهم الحياه كويس متتردديش
و ربنا يوفقنا جميعا
أنا كدا هموت نفسي لأني عندى
أنا كدا هموت نفسي لأني عندى 32 سنةوما اتجوزتش وباقول انا لساصغير انا لله وإنا إليه راجعون
انا كنت بعت قبل كده اطلب من
انا كنت بعت قبل كده اطلب من الموقع يفهمنى ازاى اسم اميلى ميظهرش وسيادتكم تفضلتم ورديتم وانا بصراحه معرفتش برده .انا باه دلواتى بطلب من اداره الموقع لو تستطيع هى اخفاء اسماء اميلات اعضاءها الافاضل .طب ليه؟بصراحه شديده امبارح بفتح اميلى لقيت رساله من اميل غريب (بغض النظر عن كونها رساله محترمه )من الموقع .المهم المشكله ان ف بنات لما اميل غريب بيدخل يسيبلها مسج ممكن تفتح معاه محادثه وهكذا.وبكده نكون فتحنا باب من ابواب الشيطان لان طبعا انتوا عارفين المحادثات الغريبه ممكن يحصل من وراها ايه .يشهد ربنا سبحانه وتعالى اننا مش بغلط ف هذا الاميل ولا ف اى عضو ف هذا الموقع المحترم الفاضل.انا بس مش عوزة نفتح باب للشيطان.انا طبعا باذن الله اميلى معنتش هفتحه تانى .منعا لقرائه اى رسائل.وجزاكوا خيرا وياريت اعرف راى المشتركين .السلام عليكم ورحمته وبركاته
==================
الصديقة العزيزة..بالنسبة للإيميل فهو لا يظهر إلا إذا كتبه القارئ في خانة الاسم وساعتها المشرف على الباب بيقوم بحذفه منعا لما أشرت إليه من مشكلات.. يسعدنا استقبال المزيد من رسائلك
بيتهيقلى ده ووحد مناسب جداا
بيتهيقلى ده ووحد مناسب جداا ليكى وكمان لو هو حبك قوووى
وخلتيه ميقدررش يرفضلك طلب هيخليكى فرحانه بحياتك معاه
وهيعملك كل اللى انته بتحلمى بيه ..
انا شايف ان ده فررصه وفيه بنات كتيرر بيحسدووكى دلووقتى ..
ربنا يوفئق
فرق السن كبير جدااااااا بس
فرق السن كبير جدااااااا بس اهم حاجة اعملى استخاره و لو فيه قبول وارتياح توكلى على الله
السلام عليكم لو انتي حاسه انك
السلام عليكم لو انتي حاسه انك مرتاحه وان الوضع مش هيضيقك صلي صلاة الاستخارة وتوكلي علي الله ربنا يوفقك ويحقق لك كل شي حلو اتمني لك حياة سعيدة
بصي يا جميلة فرق السن مش
بصي يا جميلة
فرق السن مش كبير, المهم بقى انك تعرفيه هو كويس أوي, اعرفي هل هو شاب فعلا ولا عجوز وروحه شايبة؟؟؟
أنا كان متقدملي واحد أكبر مني بست سنين فقط لا غير! ومع دلك كنت حاسة انه أكبر من والدي, ممل وقفل وخلاص حاسس ان عيشته ودوره في الحياة خلصوا وجه السن اللي نقعد فيه في البيت لانخرج ولا نتفسح ولا نشوف التلفزيون ولا نعمل أي حاجة غير اننا نقفعد نستنى الكام سنة اللي فاضلين يخلصوا!!!!!
أعرفيه كويس أوي وطولي فترة الخطوبة, حاولي ما تقلش عن سنة لأنك هتحتاجي وقت عشان تعرفيه كويس لانه مسافر السعودية مش هنا وكلام التلفونات زبدة يطلع عليه المقابلة الشخصية أو مع الوقت يسيح... فخللي بالك واعرفيه وافهمي منه آراءه وحياته والحاجات اللي بيحبها والحاجات اللي بيكرها ورأيه في الحياة وطريقتها وفي الوقت والدنيا والعيشة والشغل وكل حاجة... وفي النهاية ربنا يوفقك ويتمملك بخير لو ليكي خير فيه.... واياكييييييييييييييييييييي توافقي على حد عشان "تتفسحي" أو عشان تخرجي من بيت أبوكي... ركزي يابنتي ده قرار هيسعدك أو يتعسك عمرك كله!!! لازم تتأكدي من انه انسان تقدري تصحي الصبح كل يوم جنبه وتعيشي معاه في بيت واحد وفيه توافق فكري وثقافي بينكم...
انا شايفه انك تقبليه صلى صلاة
انا شايفه انك تقبليه
صلى صلاة استخاره
وربنا يوفقك
في حاجه اسمها خطوبه تتعرفوا
في حاجه اسمها خطوبه تتعرفوا فيها ع بعض اكتر
وحياة ربنا اتخنقت منكم وعلي
وحياة ربنا اتخنقت منكم وعلي فكرة سيبيه ومتتجوزيهوش لانك متستهلهوش لاني مش عارفة قيمته اللي في بنات غيرك هتموت وتلاقي عريس وانتي غريبة بشكل ياستاااار عليكي ايه ده ربنا يعينك علي نفسك وعلي شيطانك اللي مسيطر علي افكارك ومخليكي ملكيش رأي خالص بينك وبين نفسك ولا ثقة ابدا بتقولي تقي ويعرف ربنا ومحترم ومش عارف ايه وايه تقولي اصلي صغيرة ومتعة ومش متعة وعيش شبابي عيشي يا ختي شبابك مع عيل فاشل بيحشش ولا وميكنش محترم محنا كدا ديما شعب متسول منعرفش قيمة حد ابدا الا لم نجرب الوحش ويكون الحلو راح ربنا يصلح حالك يابنت ناس واتقي ربنا في نفسك وفكري كويس استغفر الله العظيم يارب نسألكم قراءة الفاتحة لوالدي رحمة الله ولجميع المسلمين في شهر كريم ودعاء لنا بصلاح الحال يارب بالله عليكم الرجاء النشر
متجوزيش الا عن اقتناع وسنك مش
متجوزيش الا عن اقتناع وسنك مش سن اختيار زوج هتعيشي معاه العمر كله وواضح ان كل اللي عاحبك في الموضوع انه هيغيرلك حياتك والناس اللي بتقولها اتوكلي علي الله هو الجواز بالمواصفات ولا ايه انتوا شكلكوا مدخلتوش دنيا
والله فيه مواصفات كتيييره
والله فيه مواصفات كتيييره كويسه وبالنسبه للسن حيبقى عاقل كده ورزين
ربنا يقدملك اللى فيه الخير و
ربنا يقدملك اللى فيه الخير و يقدملى لان انا اكتر من مره اتعرض للموقف ده وفعلا ببقى محتاره اوى
عايزه الحقيقه شاب بهذه
عايزه الحقيقه شاب بهذه المواصفات حرام يترفض والرسول كان فرق السن بينه وبين السيده خديجه 15 سنه
ونتمنى لك حسن الاختيار
السن مش كبير ومش مشكلة وبعدين
السن مش كبير ومش مشكلة وبعدين هوه لسه شاب لكن يا ريت لما تتجوزوا ميكنش من الجواز اللي كل واحد في بلد ومتشوفوش بعض غير شهر في السنة كدا يبقى الظلم بجد واذا ربنا وفقكم وارتبطم يا ريت متضيعوش لحظة وتعيشوا حياتكم على اكمل وجه برضا ربنا طبعا
فرق السن حلو يعنى مش
فرق السن حلو يعنى مش كبير
توكلى على الله
ومتنسيش تصلى صلاة الاستخاره
