عايزة أفضفض عشان حاسة إني مخنوقة شوية.. أنا فتاة متزوجة حديثاً، باشتغل في شركة قطاع أعمال.. أنا لا أستطيع الجلوس في المنزل لأني باحس بملل واكتئاب جامد؛ بس في نفس الوقت عندي اكتئاب وملل من وظيفتي؛ لأن شركتنا لا يمكن إنك تحتل فيها منصب إلا بالواسطة أو الاجتهاد الرهيب، ولا بد من دعمه بالواسطة أيضاً.
حاولت تغيير وظيفتي ولكن أُغلقت كل السكك في وجهي، وكنت باصلي استخارة على فترات بسبب هذا الموضوع.
أنا حامل في الثالث، وخايفة أسعى أكتر في النقل عشان المكان الجديد، مش هالحق أثبت وجودي فيه قبل الولادة؛ وخاصة إني غالباً إن شاء الله هارجع بعد الولادة بـ6 أشهر مثلاً، وسيجبرني وجود الطفل على الجلوس في المنزل إن شاء الله.
وأوقات بابقى عايزة آخد إجازة من كتر الزهق وأقعد في البيت؛ مع إني باكتئب جداً جداً من قعدة البيت.
إيه رأيكم.. فيه حاجات كتير ملخبطاني لأني عايزة أدخل في ارتباطات مالية جديدة في حياتي؛ بس خايفة أطوّل في إجازة الولادة ومش عارفة ظروفي.. أنا تايهة.
s.o
صديقتي العزيزة..
كثيراً ما يصيبنا الملل من العمل، ونتمنى أن نغيّره بعمل آخر؛ فهذا أمر يحدث لنا جميعاً؛ وخاصة إذا كنا لا نجد أنفسنا في العمل الذي نقوم به، أو إذا كان جوّ العمل غير مشجّع على الابتكار والتفوّق فيه.
وعلى حسب ما شعرت من رسالتك؛ فأنت امرأة طموحة ترغب في تحقيق ذاتها وفي أن ترى نتيجة ما تعمله، وهذه صفات عظيمة أعتقد أنها ستضمن لكِ النجاح إذا عملتِ في مجال تحبينه، وإذا توافرت لكِ الظروف المناسبة.
وحتى تجدي هذا العمل؛ عليكِ أن تتخذي قرارك بسرعة: هل ستُكملين في عملك الحالي وتحاولين تحقيق نفسك فيه على الرغم من كل المصاعب؟ أم ستبحثين عن عمل آخر يتناسب مع إمكانياتك وطموحك؟ أم أنك ستكتفين بتربية طفلك القادم، وهو عمل شاق لا يمكن الاستهانة به أبداً؟
فكّري جيداً، واستخيري الله، حددي أولوياتك واعرفي مراكز القوة عندك والعمل الذي يتناسب معك؛ حتى تتمكني من تحقيق نفسك فيه.
اعرفي إذا كنت تريدين العمل لأنك شخصية تحبّ العمل وتحب إثبات نفسها؛ هنا عليكِ اختيار العمل المناسب بمنتهى الدقة والتركيز؛ حتى تتمكني من تحقيق هدفك.
أم أنك تعملين من أجل كسب المال ومساعدة زوجك في تحسين حالتكم وتوفير حياة أفضل لطفلكما؟ وهذا هدف يمكن تحقيقه في أي وظيفة تعملين بها.
أم أنك شخصية ملولة لا تستطيع الاستمرار على شكل واحد للحياة لفترة طويلة، وفي هذه الحالة لن يُرضيكِ أي عمل تعملين به مهما كان.
كل هذه الأشياء عليكِ أنتِ تحديدها، ورسم خطة محكمة للمرحلة القادمة، توضّحين فيها لنفسك ماذا تريدين وما الخطوات التي ستساعدك على تحقيق هدفك.
ولم لا تفكرين في عمل مشروع صغير لا يحتاج لرأس مال كبير يمكنك أن تديريه من المنزل؛ فلو استطعتِ تنفيذ هذه الفكرة تكونين قد ضربتي أكثر من عصفور بحجر واحد، وكسرتي حدة الملل من الجلوس في المنزل، ووفرتي وقتاً أكبر لرعاية طفلك، وحققتي طموحك في العمل وإثبات الذات، كما أنه سيوفّر لكِ عائداً مادياً.. وأفكار المشاريع الصغيرة كثيرة جداً يمكنك البحث عن فكرة بسيطة تناسبك وتناسب إمكانياتك.
وأتمنى من الله أن يوفّقك للخير دائماً.
اكيد فى احد فى حياتك سبب بها
اكيد فى احد فى حياتك سبب بها يأس ونصيحتى ان لااااااااااا تفكرى فى المفقود حتى لاااااااااااااااااااا تفقدى الموجود
هقولك حاجه مصر دى مينفعش
هقولك حاجه مصر دى مينفعش فيها شغل انا خريج كلية اداب قسم علم نفس من 3 سنين وعاطل اية المشكلة فى الاول كنت بضايق بس دلوقتى عادى
مبخرجش من بيتى طول اليوم على النت
مقضيها يعنى
حاولى تثبتى نفسك فى شغلك اول
حاولى تثبتى نفسك فى شغلك
اول ما هتلاقى شعلك هو شغلك الشاغل
مش هتزهقى وقتها
وربنا يكرمك بالبيبى اللى يملى عليكى حياتك
وربنا يكرمك ان شاء الله
على فكرة انا اعرف ان وقت
على فكرة انا اعرف ان وقت الحمل ده بيعمل اكتئاب وزهق من كل حاجة ف الدنيا
يعنى دى ان شاء الله فترة وتعدى
وكمان على حسب أولويات حياتك تقدرى تاخدى قرارك
وكمان انتى فى بيبى جاى ان شاء الله ف الطريق
شوفى هتقدرى توفقى بين بيتك وجوزك وابنك وشغلك ولا لأ
ولو لقيتى شغلك هييجى عليهم فكرى ف طريقة توفقى بينهم لو انتى هتحتاجى المرتب ده
السلام عليكم ورحمة الله
السلام عليكم ورحمة الله وبركاتة
بصراحة انا عندي ثقة كبيرة جدا فيكم
ودايما برسل اي مشكلة محيراني بكتبهاوبصراحة بتفيدوني جدا ولا بحتار في اي مشكلة من بعد ردكم عليا
وسبق وكتبت لكم ان عندي سؤال محرج للغاية عن الزواج والعلاقات الزوجية ومثل هذه الامور
ورديتم عليا وقولتم اكتبي في باب لا عيب ولا حرام وبالفعل دخلت علي هذا الباب ولكن كلها مواضيع للقراءة ولا اري ابدا مربع الكتابة او حقل الموضوع وحاولت كتير ودورت كتير ولم اجد ابدا هذا الحقل
ومش عارفة اعمل ايه
اكتب سؤالي وموضوعي هنا ولا اعمل ايه
ارجوكم من فضلكم رودوا عليا في اقرب وقت لان زواجي عن قريب ولا اري احد ينصحني واريد النصحية او بالمعني الاحري الخبرة منكم وبعض المعلومات
واعتقد ان الدكتور محمد المهدي هايفدني كثيرا
وشكرا لكم
=================
رد بص وطل
صديقتى العزيزة شكرا على ثقتك فى بص وطل ونتمنى لكى زواج مبارك بإذن الله وبالنسبة لسؤالك فتقدرى تكتبيه فى أخر موضوع تم نشره فى باب "لا عيب ولا حرام" حيث ستجدىفى نهاية الموضوع الصندوق الأبيض مكتوب فوقه " شارك برأيك" ومستنيين مشاركتك وتابعينا بأخبارك.
صحيح بجد لما يجى النونو
صحيح بجد لما يجى النونو حيشغلك لدرجة مش حتعرفى تنامى والله فيبقى قلق وارق بسبب صحيانه واكله وشربه وكمان تشتغلى ده يبقى عذاب يا بنتى وكمان هو لما يجى ليه حق انه يكون رقم واحد فالبيت حتى قبل ابوه(وخلى ابوه يخبط دماغه فالحيط هههههه)لانه محتاج رعاية واهتمام زياده حبتين لحد حتى ما يبتدى يمشى ويتكلم ويعرف يعبر عن نفسه خليكى لابنك احسن من الشغل بجد وبعدين انتى اول حمل ولازم بردوا تاخدى بالك من نفسك شوية من ناحية الحركة وكده
متزوجه وحامل وبتشتغلى فى قطاع
متزوجه وحامل وبتشتغلى فى قطاع اعمال
وولا مره قلتى الحمد لله فى ايميلك
هى فين المشكله ؟؟؟
حياتك جميله واحمدى ربنا
لما يبجى البيبى الصغير انشاء
لما يبجى البيبى الصغير انشاء الله هينسيكى اسمك مش شغلك بس وبكرره تشوفى بنفسك ربنا يوفئق يارب ويجعلك من الناجحين ... ^_^
خليكي فشغلك دا لحد ماتولدي
خليكي فشغلك دا لحد ماتولدي وتاخدي الاجازه بتاعت الولاده وبعد ماتحسي انك تمام والبيبي تمام ممكن تسألي ف شركات تانيه وممكن تسألي وانتى ف نفس شغلك ولو لاقيتي حاجه كويسه سيبي الشركه دي وروحي غيرها
هوا حد لاقي شغل في مصر خليكي
هوا حد لاقي شغل في مصر خليكي في وظيفتك وساعدي جوزك احسنلك
شكرا
لما تجيبي البيبي ان شاء الله
لما تجيبي البيبي ان شاء الله اي ملل هيروح وهيبقي دنيتك الجديده
