حدثت مشاكل بيني وبين زوجتي وأمها، فقامت زوجتي وفضحت علاقتي الزوجية بها وأدق أسرار حياتنا، وطبعا هذه الاتهامات ظلم وكذب، ولا أعرف هل هذا تسليط من أمها أم ماذا، ولأن والدها محامٍ فقد أذاقتني العذاب من محاضر كيدية ونفقة وتبديد... وفي هذه الفترة رفضت كل أنواع الصلح والرجوع والرحمة، وبعد مرور سنتين في المحاكم أرادت أن ترجع لي، وقالت إنها نادمة، مع العلم أني لم أطلّقها وعندي منها بنت، فهل لهذه الزوجة أمان؟ وهل إن أرجعتها يكون قرارا صائبا أم أبحث عن غيرها أم ماذا أفعل؟ أنا تعبت من التفكير.
كما أن زوجتي التي لم أطلّقها رفعت عليّ تمكينا من الشقة الزوجية، وأخذت قرارا بالتمكين مع العلم أن هذه الشقة بعتها لعمتي، وقبضت ثمنها عندما رفضت زوجتي الرجوع بعد محاولات كثيرة، مما جعلني لا أطيق أن أجلس في هذه الشقة، فماذا أفعل لوقف هذا القرار؛ لأني بذلك سيلحق بي ضرر؛ لأني تصرّفت في ثمن الشقة في أشياء ضرورية، وعمليات. وثانيا اتحكم لزوجتي نفقة مكتوبة في الحكم نفقة بأنواعها الثلاثة لها ولابنتي، فهل أنواعها الثلاثة تشمل السكن أم ماذا؟ وإذا كانت تشمل السكن، فهل هذا يبطل قرار التمكين؟ أفيدوني يرحمكم الله.
eslam1024
عزيزي.. أرى أن حلّ المشكلة بالطرق الودية أفضل من المحاكم، وبالنسبة للنفقة فأنت ملزم بها، حتى ولو لم يتم الطلاق، أما حكاية التمكين من الشقة فمعلوماتي أنها للحاضنة المطلقة، وحيث إنها ما زالت على ذمتك فيمكن اللجوء إلى المحكمة لإلغاء قرار التمكين؛ لأن الزوجة ما زالت في عصمتك، وحكاية أن والدها محامٍ فهي لا تؤثّر على الأمر؛ لأن هناك قانونا يطبّق على الجميع، ويمكنك توكيل محامٍ؛ لمباشرة القضايا ضد والدها، مع محاولة الصلح حفاظا على الأسرة.
أنا متزوج ولكن زوجتي مشت وراحت عند بيت أبوها وكانت حاملا ووضعت الآن، ولكن رفضت الرجوع فاضطررت أن أرتبط بإنسانة أخرى وهي على ذمتي، ولكن لم يستمر الأمر كثيرا حيث حدثت مشكلات كثيرة، وكل واحد راح لحاله، ولكن الناس الآن بتقول لي رجّعها علشان الطفل، ولكني عارف أنها لن تستقيم أبدا؛ لأني أعطيتها فرصا كثيرة ولم تنجح، ولأن أنا عايز أشوف ابني، ولكن هي مش راضية..
أعمل إيه؟ علما بأني أقمت دعوى رؤيا ولم يُحكم فيها حتى الآن.. أنا الآن محتاج زوجة، وفي نفس الوقت عايز أشوف ابني.
sherifhanafy93
عزيزي.. من حقك طلب رؤيا الصغير، وما دمت رفعت دعوى الرؤية فستقضي لك المحكمة حتى ولو كنت متزوجا؛ لأن الزواج لا يمنع الرؤية، والمسألة مسألة وقت فقط وتحكم لك المحكمة، ويمكن الزواج من أخرى إذا رغبت، ولا علاقة لهذا الزواج برؤية الصغير.
قوانين سوزان مش من دماغها
قوانين سوزان مش من دماغها لازم اللجوء الى مرجعيه شرعيه ولو ان اى قانون منهم لم يؤخذ من الكتاب والسنه فماالداعى لتطبيقه ولا سعادتك عاجبك قوى منطق الحريم تتذل عشان خاطر سعادة هارون الرشيد يستبد
الى الاستاذ صاحب الرد على
الى الاستاذ صاحب الرد على الشكوى قرار التمكين ليس له علاقه بالطلاق الزوجه من الممكن ان تتمكن من الشقه مشاركه مع الزوج كونها حاضره وهذا حدث معى بالفعل
قوانين سوزان مبارك الظالمة
قوانين سوزان مبارك الظالمة التي تعطي للمراة حق الفرعنة وتجبر الزوج ان يظل اسير هذة القوانين
فقد جعلت قوانين الاسرة الظالمة هذة من الزوجات فرعونات لايهبن زوجا ولايحترمن حقوقة لانهن يعرفن ان القانون في صالحهم سواء كانوا ظالمات او مظلومات
اتمني من الدولة ان تعيد النظر في هذة القوانين
وان تبطل مجلس حقوق المراة الذي خرب البيوت الذي وضع الازواج تحت خيارين لاثالث لهما
اما ان يخنع ويرضي بمعيشتة امام زوجتة الظالمة المستبدة والا سلبتتة حقوقة وشقتة واموالة وظل حبيس السجون
او يطلق زوجتة ويصير يتردد علي المحاكم يوميا مع معاقبتة علي انة اختار التمرد علي زوجتة المتفرعنة
نريد مجلس حقوق للرجال
صلي صلاه استخارة وربنا يهديكم
صلي صلاه استخارة وربنا يهديكم لبعض
ههههههههه طلقها فورا تصدق يا
ههههههههه طلقها فورا تصدق يا حكيمدار انت فعلا معقد وغريب جدا ..يا جماعه المفروض اداره الموقع انها بتراجع ردود الناس ..ياريت الردود الرخمه دي واللي ممكن تحبط او تضايق حد تشيلوها ..تحياتي ليكم
===========================
رد بص وطل
الصديق العزيز شكرا على ثقتك فى بص وطل وبالنسبة للتعليقات فالموقع يلتزم بنشرها مادامت لا تحتوى على اى إهانة أو ألفاظ خارجة ولدى كل فرد الحرية فى التعبير عن رأيه حتى وإن لم نتفق معه فى الراى وذلك تطبيقا لمبدأ إحترام الرأى الأخر
اوعى ترجع ليها و ربنا يعوضك
اوعى ترجع ليها و ربنا يعوضك خير
انا نفس مشكلتك بل اكبر منها كتير و صدقنى تعب ساعه و لا كل ساعه
دى انسانة حتتعب معاها العمر كله
لا ليس لها امان اسمع كلامى يا
لا ليس لها امان اسمع كلامى يا صديقى انا مجرب الموضوع دة والله لو اديتها الامان هتلاقيها بعد كدة اسوأ من الاول الستات اللى من النوع دة كلهم زى بعض وانا كان معايا نسخة منها .
أفهم أن رغبتها فى العودة تعنى
أفهم أن رغبتها فى العودة تعنى طى صفحة النزاهات بينكم فإن قبلت هى بذلك أعطها فرصة أخرى من أجل ابنتك...أعلم أن شروخ الثقة صعبة اللألتئام كما انه أصبح هناك حاجز كبير بينك وبينها لكن الزمن كفيل بالعلاج...وفقك الله..
الله يكون فى عونك الحال من
الله يكون فى عونك الحال من بعضة
ولا تنسى ان كيدهن عظيم
السلام عليكم....الي الاخ
السلام عليكم....الي الاخ اسلام 1024
خلقت المرأه من ضلع اعوج..فإن اردت ان تقومه كسرته .فخذه علي عوجه أو اتركه..والهدايه من عند الله
.
قال صلى الله عليه وسلم اياكم
قال صلى الله عليه وسلم اياكم اياكم وخضراء الدمن قيل يارسول الله وماهى خضراء الدمن قال المرأه الجميلة فى منبت السوء
ياااااااااامعشر الرجال كنتم
ياااااااااامعشر الرجال كنتم تعلمون اضرار الزواج وفعلتموه فلا تلمو انفسكم وارضوا بالامر الواقع ..وهناك قول لا تصلح الخطاء بخطاء اكبر حيث انى متزوج ولكن هناك فارق بين تفكيرى وتفكيره ..اصلا هى لاتفكر بين السماء والارض ولدى ولد منها ودينى عايش رغم حزنى الشديد ولكن ماباليد حيله
اخى الفاضل ان ابغض الحلال عند
اخى الفاضل ان ابغض الحلال عند الله الطلاق وزوجتك ندمت على ما فعلت بس تاكد قبل رجوعها انها راجعه فعلا للاستقرار
طالما المبدأ موجود فلابد من
طالما المبدأ موجود فلابد من التطليق
خليها هى اللى تطلب الطلاق
خليها هى اللى تطلب الطلاق وتتنازل عن كل شىء
اخى العزيز الاستاذ اسلام اذا
اخى العزيز الاستاذ اسلام
اذا كانت هي من ارادت الرجوع و تبدى ندمها فلابد من شروط للرجوع لاننى كرجل لا اتحمل ان اعيش مع زوجه بيني و بينها حكم محكمه حتى لو ابوها وزير الداخليه او قاضى
المهم انه عند الرجوع لابد من التنازل عن جميع القضايا ويتم هذا اما في محكمة الاسره او في جلسه عرفيه تضمن للطرفين حقيهما عند حدوث خلافات مره اخرى لا قدر الله
فعلا لاتثق باى امرأه مثل
فعلا لاتثق باى امرأه مثل انجليزى
العافين عن الناس لهم قصور فى
العافين عن الناس لهم قصور فى الجنة وهى مش ناس دى مراتك
يعني ايه (انا الراجل) ويعني ايه(انا الست)
أنا الراجل : يعين انا اللي هصرف في البيت
أنا الراجل : يعني احبك واموت فيكي واكفيكي كل حاجة
أنا الراجل : يعني اعاملك بما يرضي الله وما اغلطش فيكي
أنا الراجل : يعني انا اللي هحافظ عليكي وعلى الأولاد
أنا الراجل : يعني انا اللي هحميكي من أي شئ
أنا الراجل : يعني انا مستشارك في كل مشاكلك
أنا الراجل : يعني حبيبك الأول والوحيد في الدنيا
أنا الراجل : يعني انا اللي معاكي نعبد ربنا ونحبه ونطبق سنة رسول الله صلى الله عليه وسلم
أنا الراجل : يعني انا بس اللي يتسمع كلامي
أنا الراجل : يعني انا اللي اود أهلك وأخليكي توديهم وتزوريهم
أنا الراجل : يعني اذا احتاجتي حاجة تطلبيها مني طول ما هي في استطاعتي
أنا الراجل : يعني انا اللي عايش ليكي ولحبك ولرضا أمي وأبويا
أنا الراجل : يعني انا بس اللي اشتغل طول ما انا مكفي البيت مافيش داعي لشغلك
أنا الراجل : يعني انا اللي من حقي اقولك تروحي فين وماتروحيش فين
أنا الراجل : يعني انا المسئول معاكي في تربية الأولاد
وتسلم ايديكي لما تقدملي أي حاجة بحبها
أنا الست : يعني البيت مسئوليتي
أنا الست : يعني اعيشلك واحبك واموت فيك واكون سندك وواقفة جنبك
أنا الست : يعني معاك على الحلوة والمرة وعلى قد أمكانياتك
أنا الست : يعني هكون قنوعة ومش هقولك هاتلي هاتلي وانا عارفة انك مش هتقدر على الحاجة دي
أنا الست : يعني هحافظ على فلوسك ومش هجيب شئ مش ضروري مش في وقته
أنا الست : يعني مش هخليك تحس الا بطعم السعادة حتى لو انا من جوه بتقطع ومتضايقة من موضوع
أنا الست : يعني هختار الوقت المناسب لكل موضوع اكلمك فيه
أنا الست : يعني هشيل أمك في عينيا وهقولها "يا ماما" مش هقولها يا طنط وكإنها بالظبط غريبة عني والكلمة دي هترضيك وترضيها
أنا الست : يعني عارفة يعني ايه امك في حياتك , يعني ايه حبك ليها
أنا الست : هخليك تحافظ على علاقتك بأهلك واقويها معاك ونصل رحمنا سوا , ونروح سوا لأهلك وأهلي وقرايبك وقرايبي
أنا الست : يعني هحافظ على نفسي , وهسمع كلامك , وهاعيش ليك ومعاك
أنا الست : يعني هخليك ازاي تحبني وتموت فيا , والبسلك اللي بتحبه واعمل كل اللي انت عايزه
أنا الست : يعني اكبرك في عيون الناس , يعني اعيشلك واعيش للأولاد بكل حب
أنا الست : يعني محتاجة منك كل حنان وحب , زي بالظبط ما انت عايز اديلك حنان وحب وكل اللي انت عايزه
تعيش وتجيبلي يا حبيبي لما يجيبلك حاجة بتحبيها , او حتى مش بتحبيها المهم ماتكسفيهوش
هودااالراجل وهى دى الست
ايمان صبرى
