يا إما أكتب قايمة بـ40 ألف يا إما أتحبس!

أنا اتجوزت واحدة من 9 شهور، وبعدين لقيت صفات مش كويسة فيها، المهم إحنا اتجوزنا وسافرنا ماجبناش عفش خالص، وقبل ما نكتب الكتاب والدها أصرّ على إني أكتب قايمة بـ40 ألف جنيه.

السلام عليكم أنا باشكر كل من قام على الموقع ده.. أنا اتجوزت واحدة من 9 شهور، وبعدين لقيت صفات مش كويسة فيها، المهم إحنا اتجوزنا وسافرنا ماجبناش عفش خالص، وقبل ما نكتب الكتاب والدها أصرّ على إني أكتب قايمة بـ40 ألف جنيه.. المهم أنا عايز أطلّق ووالدها قال لي القايمة وهاحبسك فيها.. يا ترى موقفي القانوني إيه؟

fightertiger
 
عزيزي… عليك أن تدفع بصورية تسليم الجهاز أي إثبات أنك لم تتسلم أعيان الجهاز، وأن الزوجة لم تنتقل إلى منزل الزوجية، وعليك إثبات ذلك بشهادة الشهود.

السلام عليكم ورحمة الله وبركاته.. أنا شاب لسه خاطب من فترة صغيرة، وعندي استفسار صغير: هل يا ترى الذهب بيكتب في القايمة ولا لأ؟ ولو أنا اشتريت شبكة تتكتب في القايمة ولا ماتتكتبش؟ دي نقطة.

النقطة التانية لو باباها جايب لها طقم دهب هدية وهتاخده، ده يتكتب ولا لأ؟ مع العلم إن فيه ناس تقول يتكتب عشان ده داخل بيتك، وفيه ناس تقول لأ دي هدية باباها.. مش عارف يا ريت تفيدوني.

roksha
 
عزيزي.. قائمة أعيان الجهاز من الأمور التي يتفق عليها الطرفان، فممكن كتابة المجوهرات سواء الهدية أو التي تم شراؤها؛ لأن القانون لم يحدد تلك الأمور وتركها للعرف والاتفاق، وعليك مناقشة الأمر مع أهل العروسة، وألف مبروك.