السلام عليكم.. لو سمحت أنا عندي استشارة بخصوص قائمة الزواج؛ أنا هاتجوّز مؤقتا في شقة صغيرة لحين الانتهاء من شقتي الثانية، فطبعا الشقة الصغيرة مش هتكفّي الغرف اللي اتفقت عليها، بس أنا هاكتب كل الحاجات اللي عليّ في القائمة؛ سواء جبتها أو ماجبتهاش؛ لأن ده حقّها.. أما الحاجات اللي على أهل العروسة هما مش هيجيبوا كل حاجة لحين الانتقال للشقة الكبيرة بتاعتي؛ فهل ممكن نكتب قائمة فيها كل المنقولات اللي عليّ سواء جبتها أو ماجبتهاش، أما اللي عليهم يكتبوا بس اللي جبوه؟؟ ولما ننقل الشقة التانية ويكملوا اللي عليهم نعيد القائمة من جديد، ويضاف عليها اللي هما كمّلوه، ونقطّع القائمة الأولى وده ضمان لحقها وحقي؟؟ وشكرا.
وهل الذهب بيكتب في قائمة الزواج على العريس ولا لأ؟ وإيه موقف الذهب الصيني والحاجات القابلة للكسر والاستهلاك؟ وهل بيتم كتابة قيمة إجمالية للقائمة ولا لأ؟ وشكرا لكم.
medo.tiger
الأصل أن المنقولات من حقّ الزوجة؛ فإذا تمّ الاتفاق على غير ذلك فلا مانع قانونا، ويشمل هذا الاتفاق المنقولات الموجودة، أو التي سوف تشترى مستقبلا، وكذلك المصوغات الذهبية؛ فمن الجائز قانونا كتابتها في قائمة المنقولات إذا ما تمّ الاتفاق على ذلك.
هو لو رفعت قضية خُلع هاخسر الجهاز من ضمن اللي هاخسره، ولا هيكون المؤخّر فقط؟!! والنفقة أنا مش عايزة غير جهازي.. يا ترى لو رفعت خُلع هاخسره؟!
أنا اتْحَكَم لي نفقة 100 جنيه مش عارفة المحامي اللي هيجيبها ولا هاخد الفلوس عن طريق البنك، ولا المحامي هو اللي هيجيبها لي وهادفع له فلوس؛ على الرغم من إني محسباه؟؟ وهل نفقة المتعة بعد الطلاق هتكون أد إيه؟ خاصة إنه اتحكم لي بنفقة قدرها 100 جنيه، وهل هتكون دي زي دي ولا إيه؟؟ مش فاهمة أرجو الرد.
وبخصوص الطلاق أنا رفعت دعوى طلاق للضرر، وبقى لي أكثر من سنة ومش عارفة أطلّق، وفي النهاية القاضي قال هاتي 2 شهود.. هل بعد ما أجيب الشهود تخلص القضية، ولا هيكون فيه حاجة تانية؟؟ أرجو الرد وآسفة للإطالة.
NANA
لا تؤثّر دعاوى الخلع على منقولات الزوجة؛ لا بد من صرف نفقتك بنفسك أفضل، أما عن أتعاب المحامي؛ فهي حسب الاتفاق بينكم.
