السلام عليكم ورحمة الله وبركاته.. كنت قد خطبت خطوبة صالونات منذ ست سنوات، وحيث إنني أعمل بالخارج لم أقضِ مع خطيبتي سوى شهرين، ورجعت للبلد الذي أعمل به، فوجدت خطيبتي وأهلها يقولون لي إنت ماتنفعش، ورجعت خطيبتي لخطيبها الأولاني ومعاها شبكة مني بحوالي 12000 جنيه.. رفعت قضية استرداد الشبكة؛ حيث إنها عملية نصب واضحة للأعمى.. القضية أخذت وقتها حتى صدور القانون العام السابق بخصوص اعتبار الشبكة هبة تردّ في حالة عدم إتمام الزواج، وأخذت حكما نهائيا منذ فترة ستة أشهر، ووجدت عنوان خطيبتي القديمة، وإن كانت قد تزوجت من خطيبها القديم وأنجبت منه، وعندما ذهب لها المحضر رفضت استلام الإعلان، ولكن استدلّ عليها واستدلّ على مسكنها..
ما هو الحل الذي يعجّل بموضوع استلام الشبكة؟ حيث إنه لم يتم أي شيء حتى الآن، أرجو من سيادتكم الردّ سريعا عن كيفية التصرف في هذا الموقف وشكرا.
haithem.barbary
عزيزي.. في الواقع تنفيذ الأحكام الخاصة بالمبالغ المالية تأخذ وقتا طويلا؛ لطول الإجراءات والتكلفة العالية، ولكن مهما طال الوقت فتستطيع الحصول على حقك، ويمكن أن تبدأ بإجراء الحجز التنفيذي على خطيبتك السابقة، ومنها قائمة منقولاتها التي تحت يد زوجها؛ لأن المنقولات ملكها، ويقوم المحضر بإجراء الحجز على تلك المنقولات، ولكن كما أوضحتُ فالأمر يحتاج إلى سياسة النفس الطويل والمتابعة المستمرة؛ لأن تنفيذ الأحكام المدنية من الصعوبة في الواقع؛ لأن الأمر يختلف عما هو ثابت بالكتب، بالرغم من إنشاء إدارة لتنفيذ الأحكام وفقا للتعديلات الأخيرة لقانون المرافعات، إلا أنها ما زالت تحتاج إلى ضوابط أخرى، المهم أنه لا يضيع حق وراءه مطالب.
تزوّجت من حوالي شهر وأسبوع من امرأة مطلقة، وأنا سبق لي الزواج، ولديّ ابن، وطلّقت زوجتي الأولى بالتراضي بيني وبين أهلها بعيدا عن المحاكم، وابني معها، ولكن من وقت لآخر يتصل بي لأطمئن عليه من هاتف أمه، لكن زوجتي الحالية قلبت حياتي إلى جحيم؛ بسبب هذا الاتصال، وكل يوم عاملة مصيبة، حاولت أن تنتحر أكثر من مرة، وستأتي لي بالمصائب.
وذات مرة ذهبت إلى عملي وعدت للبيت ووجدتها عادت لأهلها، وهم في محافظة أخرى وخرجت دون إذن من البيت، فأسرعت لصديق محامٍ، ونصحني بأن أعمل محضر إثبات حالة في القسم التابع له مقر السكن الآن، ففعلت وقلت في المحضر إنها أخذت الذهب المثبت في قائمة المنقولات ومبلغ 5000 آلاف جنيه وبعض الملابس، واحتفظت برقم المحضر معي، والذي شجعني على ذلك أنه جاء أخوها من قبل وهددني أنه سيشكوني بالقائمة والذهب، ذلك التهديد كان داخل بيتي وأمام والدي.
والآن هي اشتكتني بتبديد منقولات الزوجية، ولا أعرف ماذا أفعل بالضبط بعد ذلك، مع العلم أن منقولات الزوجية بالكامل داخل مسكن الزوجية ولم تمسّ من قبل أحد نهائيا، وأيضا منقولات الزوجية مكتوبة وغير موصوفة؛ يعني مثلا مكتوب غرفة النوم دولاب + سرير + 2 كومودينو، دون ذكر لون أو نوع الأخشاب، فهل في ذلك خطر قانوني على الزوج في حالة تسليم المنقولات للزوجة؟ وكيف أحمي نفسي من الإجراءات القانونية التي ممكن أن تتخذها هذه الزوجة وأهلها ضدي؟ لأنه يبدو أنهم ناس أصحاب مشاكل، ويريدون أخذ كل شيء مني وتحسيري على تعبي وجهدي. أرجو الرد سريعا، وجزاكم الله خيرا.
oam323
عزيزي.. وفقا لأحكام قانون العقوبات أنت معرّض للاتهام بتبديد أعيان الجهاز، وحتى تثبت براءتك عليك عرض المنقولات عن طريق المحضر أو الشرطة وتسليمها إلى الزوجة، وتقدّم المحضر الإداري الثابت به خروجها بالذهب، والعرض يكون وصفا كما هو ثابت بالقائمة حتى تنتفي أركان جريمة التبديد، وعليك بالإسراع بذلك، بحيث إذا رفضت الاستلام بالرغم من مطابقة العرض للقائمة تقضي المحكمة بالبراءة.
أستاذى الفاضل أشكرك على
أستاذى الفاضل أشكرك على اهتمامك بمشاكل الجميع وارجو ان تجعلنى من احدى الصديقات وأن تساعدنى فى الاستفسار عن مشاكلى الخاصه بقضايا الأسرة وشكرا
==================
رد بص وطل
الصديقة العزيزة شكرا على ثقتك فى بص وطل ونسعد بيكى صديقة عزيزة على الموقع ونسعد بمساعدتك فى كافة مشكلاتك ويمكنك إرسالها من خلال هذا الباب.
لا يمكن ده يحصل مع حد بيتقي
لا يمكن ده يحصل مع حد بيتقي ربنا في افعالة
مخرجتش معاها
مضحكتش وهزرت ولا اي حاجه
يكفي دخولك وخروجك بيتهم
ايمان احب اقولك انتى اكثر من
ايمان احب اقولك انتى اكثر من رائعة ربنا يحميكى
ع فكرة مش كل الناس زي بعضها
ع فكرة مش كل الناس زي بعضها يمكن انت تكون الغلطان وممكن هم يكونوا طماعين بس تاكد ان ربنا مبيسبش حق حد انا شخصيا كنت مخطوبة وكان جايبلي شبكة دبلة وتوينز وخاتم واهلوا كانوا مفكرين انهم جايبيب بمليون جنية دهب فاول الخطوبة اتباع التوينز وبعد كدة الخاتم فخلال سنة لانوا كان مش بيشتغل فشغل ثابت بعد سنة سبتوا ومفضلش معايه غير الدبلة بعتها انا بعد مسبتوا وسددت بيها جمعية كان داخلها بس انا لحد دلوقت حسة اني تعبانة ان مدتلوش الدبلة بس كان لازم اعمل كدة عشان ادفع الجمعية واهلوا كان مفكرين اني باخد قبضوا مش كل الناس زي بعضها في بنات عايزة تعيش مبسوطة وزي ال بيقول بيبقي نازل من الخليج معاية ملايين لاة انا محتاجة راجل محترم يخاف علية ويجبلي بردوا بس ميكنش في طمع من اي طرف
عشان محدش قالكم تنزلوا تخطبوا
عشان محدش قالكم تنزلوا تخطبوا ناس لا تعرفوهم ولا سألتوا عنهم
ايه جوازه و السلام ؟؟؟
و على فكره دول الخليج مليانه مصريين و عوائل و ممكن تتجوزوا منهم الي عارفينكم و عارفين و شايفين ظروفكم و عايشينها
بس الدماغ !!!!!!!
على فكرة اللى بتقول شبكة ايه
على فكرة اللى بتقول شبكة ايه يا ابو شبكة
اكاد اجزم ان دى طليقتك يا أخ هيثم والله اعلم
طيب السلام عليكم التعليقات
طيب السلام عليكم
التعليقات جميلة اللى اتقالت بس هرد على الاخ اللى بيقولى شبكة اه يا ابو شبكة اعتبرها اكلك وشربك ولا قعدتها طبعا ده يدل على انك ولا متجوز ولا خاطب او على الافل ممرتش بتجربة زى دى بس يا اخى العزيز للاسف الشديد احنا الشباب اللى شغالين فى الخليج سيبنا بلدنا واهلنا وضيعنا احلى سنين عمرنا فى الغربة وفى خدمة ناس غير ناسنا وبلد غير بلدنا وعلى فكرة كفائات عالية جدا من المصريين موجودة فى الخليج بس للاسف معظم الافلام العربى اللى ظهرت بقالها عشرين سنة بتتكلم عن الجواز والسفر والغربة بينت حاجة غريبة قوى ان الانسان اللى جاى من الخليج ده زكيبة فلوس متحركة ودايما كانوا حاطينه فى صورى الوحش اللى جاى يخطف الحبيبة من حبيبها عشان معاه فلوس وجاهز وللاسف اكتر مافيش ولا مرة فيلم مصرى انصف الانسان اللى جاى من برة وعايز يتجوز من بنت بلده وانه له مشاعر واحاسيس وعايز يحب ويتجوز بس مشكلته فى الوقت وده اللى بينه ماجد الكدوانى فى فيلمه لما كان مسافر فى الخليج وبطريقة كوميدية للاسف الشديد بدات الفكرة عندنا فى مصر ان اللى نازل من الخليج ده بياخد مليون جنيه كل شهر ومليونير وزكيبة فلوس واللى يجى منه احسن منه يا اخى العزيز اللى بتقول شبكة اه يا ابو شبكة اكل اه وشرب اه وبيوت ناس وبنات ناس انت للاسف الشديد مفهمتش مشكلتى انا واللى كاتب رسالته بيستشير فيها بنقولك خطبنا شهرين وبعدين قالتلى سلام ورجعت لخطيها الاولانى اتجوزت منه وخلفت لسة مفهمتش طيب افهمك يعنى عملية نصب شديدة الصراحة والوضوح والوقاحة فهمتنى يبقى اكل وشرب اه وبيت اه وبنت ناس اه بقى وللاسف بحكم قعدتى هنا فى الخليج فترة طويلة ناس كتير زمايلنا حصلهم كده لدرجة ان الشاب دلوقتى بقى يخاف ينزل يتجوز لانه عارف ان اهل العروسة اول ما هيسمعوا السعودية مخهم هيضرب وهيطلبوا حاجات غريبة وخيالية على اساس انه بيطبع الفلوس هنا مش بيشتغل ويطلع روحه بيها فهمتنى يا اخ يا اللى بتقول شبكة اه الموضوع مش شبكة الموضوع عملية نصب مقنعة وخاصا انها رجعت لخطيبها الاولانى واتجوزته بدهبك انت بعرقك وتعبك انت فهمتنى يا اخى العزيز يارب تكون فهمتنى
وتحياتى لبص وطل
السلام
السلام عليكم
هههههههههههههههههههههههههههههه طبعا انتوا مستغربين انا بضحك على اه بس انا فعلا ليا الحق اضحك لان القصتين دوول حصلوا معايا فى بكل تفاصيلها بسيطة او كبيرة فانا راجل بقالى عشر سنين فى السعودية بعد اول سنتين نزلت اجازة خطبت خطوبة صالونات وجيبت شبكة ممكن تعملها دلوقتى عشرين الف ممكن وبعدين شهرين ورجعت للسعودية قالولى لا مش عايزين خلاص ورجعت لخطيبها الاولانى وانا رفعت القضية والقانون بتاع السنة اللى فاتت بردوا خدت حكم نهائى وبقالى سنة مش عارف اخد شبكتى ده للاخ بتاع الشبكة اصبر وما صبرك الا بالله واعرف ان فى ناس كتيير زيك لان جت فترة وبقت ظاهرة موضوع الشبكة اللى بتتاخد دى ويقولك روح على بيتكوا اما الاخ التانى المطلق فانا اختلف معاه شوية انا ليا بنت من طليقتى وحاولت اعمل زيه واخلص المواضيع من غير محاكم ولا بهدلة بس طليقتى مصرة على انها تاخد حقها بالمحاكم وبرغم كده مغرق بنتى لعب وهدايا ودفعتلها رسوم المدرسة احسن مدرسة فى مدينتى وبرغم كده بردوا رافعة عليا خمس قواضى وجايبة شهود زور يقولوا انى باخد 15000 جنيه هنا فى السعودية واخر ما زهقت روحت اتجوزت من بلدعربى تانى ريحت راسى وبقالى سنتين الحمد لله ولا قواضى ولا سرقة شبكة ولا محاكم ولا نكد ولا عكننة ادعولى بقى تكمل على كده وربنا يعينكم يا شباب لحسن خلاص الستات مخهم ضرب بسبب سوازن مبارك الله يسامحها وحقوق المراة حد يتخيل ان القانون عندنا يخالف كل شرع ودين وانسانية ويقول لو المطلقة اتجوزت المطلق مياخدش ابنه ولا بنته ولكن الحضانة تروح لامها وبعدين لاخوها وبعدين لاختها وبعد ده كلهم لو ربنا خدهم يروح الابن او الابنة لابوها يا عالم يا هو ده كلام يتعقل ولا حد عاقل يقوله بس هنقول ايه حسبى الله ونعم الوكيل معلش طولت عليكوا بس فعلا قصصكم متطابقة مع قصتى وانا مخنوق لانى نزلت اجازة بعد اربع سنين غربة وطليقتى بهدلتنى مخلتنيش اشوف بنتى غير من شباك بيتهم خمس دقايق وبالعافية
شبكة أيه يا أبو شبكة أنت فاكر
شبكة أيه يا أبو شبكة أنت فاكر دخول الحمام زي خروجه على فكرة يعني بنات الناس مش لعبة مش دخلت بيتهم و أكلت و شربت فيه أعتبر دة مقابل كل دة و مقابل أنها قضت معاك ساعات مستحملاك
الا صديقى ***كان هناك صديقان
الا صديقى
***كان هناك صديقان يمشيان في الصحراء ، خلال الرحلة تجادل الصديقان فضرب أحدهما الآخر... على وجهه.
الرجل الذي انضرب على وجهه تألم و لكنه دون أن ينطق بكلمة واحدة كتب على الرمال : اليوم أعز أصدقائي ضربني على وجهي .
استمر الصديقان في مشيهما إلى إلى أن وجدوا واحة فقرروا أن يستحموا.
الرجل الذي انضرب على وجهه علقت قدمه في الرمال المتحركة و بدأ في الغرق، و لكن صديقة أمسكه وأنقذه من الغرق.
و بعد ان نجا الصديق من الموت قام و كتب على قطعة من الصخر : اليوم أعز أصدقائي أنقذ حياتي .
الصديق
الذي ضرب صديقه و أنقده من الموت سأله : لماذا في المرة الأولى عندما
ضربتك كتبت على الرمال و الآن عندما أنقذتك كتبت على الصخرة ؟
فأجاب
صديقه : عندما يؤذينا أحد علينا ان نكتب ما فعله على الرمال حيث رياح
التسامح يمكن لها أن تمحيها ، و لكن عندما يصنع أحد معنا معروفاً فعلينا ان
نكتب ما فعل معنا على الصخر حيث لا يوجد أي
نوع من الرياح يمكن أن يمحيها_
وتذكروا قول الرسول (بان العافين عن الناس لهم قصور فى الجنة )
ايمان صبرى
