ازاى هنجيب جون واحنا كل واحد
ازاى هنجيب جون واحنا كل واحد فينا همه نفسة،والحاجة الوحيدة اللى بتلمناوبمعنى ادق الحاجة الوحيدة اللى ناجحين فيها"الكورة" ... هنكون بلد متقدمة لما نسيب د\احمد زويل والشاعر فاروق جويدة يعملو مناظرة لقاء ممزوج بالعلم والشعر ..... هنكون بلد من دول العالم المتحضر لما نبطل نقلد تقليد اعمى (اقصد الموضة) بنطلون ساقط وشباب ضارب شعرة جل واب وام مش بيبصوا لولادهم بس شاربين المر بزيادة.... هنكون لما نبطل كلمة"يعنى هى جت عليا" .. مترميش الورقة دى فى الشارع ..ياعم يعنى هى جت عليا ولا من نضافة الشارع يعنى نفض.... ولا بقى الدراسة الله بيموتوا العيال اللى فى تانية وتالتة ابتدائى وبيقفلوا دماغهم بعد ما كان كل مصرى هو محمود وائل من غير اى كيو، لا ازاى لازم نطور التعليم طوروا ... قصدى اقفلو دماغ العيال بالضبة والمفتاح، يا لما يتكتب "مصر ام الحضارة ترفض اقامة مناظرة العلم والشعر" عارفين بصمة حلوة اوى ... هنكون مصر ام الدنيا لما نخلى الوسايط والرشاوى تتشال من البلد لما تبقى المصلحة واحدة لما يبقى قلبى على قلبك ونساعد بعض مش لما نتخانق على مين اللى ياخد اسهم اكتر ومين اللى المفروض يمسك المنصب ده بس بحسبة ووساطة،....
لو عاوزين 80 مليون مصرى يلعبوا صح يبقى لازم نتخلص من الوسايط والرشاوى ونحط اللى تعب فى دراسته وعارفين انه كفاءة ومكسب مش لنفسة بس لا للبلد اللى عمرها ما فرحت ولا حرقت دمها غير فى الكورة .......
هنبقى دولة متقدمة لما نخلى اطفالنا يقولوا رأيهم فى السياسة بصراحة مش بس يا واد ملكش دعوة كدا عيب او بس احسن هنروح فى داهية.................
وبما ان انا طالبة ثانوية عامة لازم اتكلم على رعب تلامذة الثانوية العامة اللى الواحد مابيصدق يخلص مذاكرة درس واحد ولا الدروس الخصوصية اللى بيتحمل فلوسها الوالدين...
هنبقى دولة متحضرة لما المدرس يخلى عندة ضمير ...
هنبقى دولة متحضرة لما نسيب مشروع د\احمد زويل يكمل مشروع جامعة النيل اللى بالبلدى كدة فلوسة "اتنهبت" ...... ونرجع تانى للمناظرة اللى اتلغت بتاعة د\زويل واستاذ\فاروق جويدة
حد يجيب سبب مقنع ان المناظرة تكون لدكتور احمد زويل بس...
مش قادرين يلغوها خالص عشان د\احمد زويل مبعوث ماما امريكا ...
هنكون لما انا اسلف المحتاج لما اوفر للشباب الصغير فرص عمل فى مكانة هنبقى مصر تانى لما الغنى يدى الفقير لما القوى ينصر الضعيف مش يدوس عليه لما البانجو مايتباعش علنا لما ميبقاش ليها طريق ...
لما كل واحد يحكم بالعدل فى مكانة ....
انا صحيح عندى 16 سنة ويمكن كلامى ملوش اى داعى ولا حد بيسمعة واللى بيسمعة مش بيوصلوا وحتى لو حاول يوصله هيداس ويعتقل ويتبهدل ....... هنفضل لحد امتى بلد شهادات بس بالفلوس هنفضل لحد امتى بلد بتبيع اى حاجة ادام الفلوس،ده العرب لو جاعوا خير مصر يأكلهم كلهم.. لكن مصر لو جاعت العرب كلهم ميقدروش يأكلوها ...
ده احنا بنتخانق على رغيف العيش والطوابير ..محدش يقدر ينكر ان بلدنا لسة فيها خير كتير بس فيها مشاكل اكتر ..... ده احنا دلوقتى كل حاجة فى بلدنا (صنع فى الصين) ليه متبقاش (صنع فى مصر)، فالحين بس نصدر كل حاجة خام.. بترول وحديد وفوسفات وقطن... ونبنى على الارض الزراعية وناخد منها عشان نعمل الطوب الاحمر ... شوفوا الدول المتقدمة بيوتها من الخشب والزجاج... يعنى مش بيقللوا مساحة الارض الزراعية نفسى امسك حاجة الاقيها (صنع فى مصر).....
بلدنا دى خرجت نجيب محفوظ وزويل وجويدة وفاروق حسنى وابراهيم الفقى ومحمود وائل وكمان امين محمود صبرى وللى ميعرفوش ده اصغر كاتب فى مصر وهو مؤسس علم الديناتولوجى علم البيانات والمعرفة.....
والله العظيم انا عارفةان فى من امثال محمود وائل وامين محمود صبرى كتير بيتولدوا كل ساعة بس مين اللى هينمى قدرات دول......
ومع ان عندنا احتلال فكرى رهيب وخطير ، الا ان مصر لسه بخير ولسه فيها اللى هيخليها احسن من أمثال العلماء المذكورين بس ندى لكل واحد فرصة... الفلسفة بتقول ان لما تتساوى المواهب والقدرات المفروض تتساوى الفرص وده فى معنى العدالةفى الفلسفة ......
ده اللى انا اعرفة انا لسة16 سنة بس ده مش كل اللى عندى فى تانى كتير .............انا متأسفة على الاطالة بس الواحد كتم جواه كتير... والله كان حلمى انى احضر المناظرة بين العلم والشعر بس الحلم اتهد .......... لكن صدقونى لسة فى امل وطول ما بنتنفس فى جديد
