أبرم الفنان عمرو دياب تعاقداً رسمياً لبطولة مسلسله التليفزيوني الجديد مقابل 35 مليون جنيه، والذي من المقرر عرضه في رمضان 2011، وبذلك يُشعِل "الهضبة" السباق مبكراً.
وقد كان من المقرر أن تكون شركة "جودنيوز" هي المنتجة للمسلسل في البداية؛ حيث أعلنت عن بدء التحضير له منذ العام الماضي استعداداً لعرضه في شهر رمضان الحالي، لكن المشروع تأجّل لأسباب مجهولة أرجعتها بعض التقارير الصحفية إلى تباطؤ ومماطلة "دياب" في الاستقرار على فكرة مناسبة تقوم عليها أحداث المسلسل.
المسلسل من تأليف عمرو سمير عاطف، وإخراج شريف عرفة، وهو إنتاج مشترك بين التليفزيون المصري وشركة "سينرجي" وهي الشركة التي قامت بإنتاج مسلسل "أغلى من حياتي" والذي يُعرض في رمضان الحالي للمطرب محمد فؤاد.
وقد اشترط "الهضبة" على الجهة الإنتاجية الجديدة للمسلسل أن يتمّ وضع ميزانية مفتوحة للعمل، إلى جانب حصوله على نسبة من تسويق العمل على الفضائيات، واختياره للفنانين المشاركين معه.
جدير بالذكر أن مسلسل عمرو دياب الجديد سيكون ثاني تجاربه في مجال الدراما التليفزيونية بعد أن قدَّم مسلسل "آسف لا يوجد حل آخر" في أواخر الثمانينيات، وشاركه البطولة كل من الفنان: صلاح السعدني، وجورج سيدهم، والفنانة صفاء السبع، ونادية رشاد.
يُذكَر أن "دياب" متعاقد مع شركة "جود نيوز" لتصوير فيلمين سينمائيين سيقوم ببطولتهما، ولم يتم حتى الآن تحديد ملامح أي منهما.
وكان "الهضبة" قد طرح مؤخراً ألبوماً يضم أغنية واحدة بعنوان "أصلها بتفرق"، بتوزيعين مختلفين بالإضافة إلى موسيقى الأغنية، وهي من كلمات مجدي النجار وألحان عمرو دياب وتوزيع موسيقي لعادل حقي.
عن مصادر متعددة
انته بتغني وبس مالكش في
انته بتغني وبس مالكش في التمثيل بالاش تضيع فلوس الناس غني وبس علشان انته بتغني كويس وعند جمهور جامد بلاش تخسر الجمهور ده يا عمرو غني وبس
يا جدعان صلو ع النبي احنا
يا جدعان صلو ع النبي احنا مالنا انتو يعني هتدفعوهم من جيبكو مهو كده كده هنتفرج ع الاتنين والميه تكدب الغطاس .....قالك هضبة ونجم جيل
عمرو دياب جامد في الغنا
عمرو دياب جامد في الغنا والطرب انما في التمثيل مافيش موهبه تمثيل ياريت ياهضبه تاخد كورسات تمثيل عشان افلامك مش في الذاكره وافلامك كانت شبيهه بافلام المقاولات ماعدا فيلم العفاريت لانه كان بيسناقش قضيه
يمثل ولا ميمثلش هيا جت عليه
يمثل ولا ميمثلش هيا جت عليه يعنى
هو اللى كان بيعلق ده كان فايق
هو اللى كان بيعلق ده كان فايق بقه عمرو دياب عادى وفاشل يا ابنى ال 35 مليون دول كان بياخدهم فى اعلان
اكيد انت مش عارف مين عمرودياب
اكيد انت مش عارف مين عمرودياب كويس بس نصيحة يعني ممكن تسأل عن نجومية الهضبة الناس اللي اكبر منك هما اللي يعرفوا كويس وهيفهموك هو بجد يستاهل كل الملايين دي ولا لاء واكيد لفظ المقرف ده مش حلو خالص وده بردو من المفارض ان اللي اكبر منك ربوك عليه والهضبة هيفضل هضبة وبجد يستاهل
كل دى فلوس امال اه اللى احنا
كل دى فلوس امال اه اللى احنا فيه ومش لاقين شغال ويقوالك ظروف البلد والكهربا الا بتقطع بالساعات وكل عايز يسافر برا يشتغال
انا بحب عمرو جدا ولكن...انا
انا بحب عمرو جدا ولكن...انا شايف ان 35 مليون جنيه كتير اوي اوي..خصوصا ان افلامه القديمه كلها منجحتش وهو نفسه قال قبل كده ان معندوش موهبة التمثيل
تاني حاجه:اجمل حاجه في عمرو انه بيختفى طول السنه ومش بيظهر الا وقت الالبوم بس يعني سر وجوده هو ندرته تخيل بقا هفضل اشوفه تلاتين حلقه ورا بعض مظنش هتبقا فكره حلوه خالص
تالت حاجه:واضح من الطقم اللي هيشتغل معاه(عمرو عاطف و شريف عرفه) انه هيبقا مسلسل كوميدي وده اللي هيزود الطين بله..
يا ععمرو بلاش التجربه دي وخليك في الغنا احسن عشان لو المسلسل وقع هتكون دي بداية النهايه
عموما ربنا يستر وتعمل حاجه كويسه
ارزاق و الله و هنشوف المسلسل
ارزاق و الله و هنشوف المسلسل هيطلع ازاى بعد ال35 مليون و الميزانيه المفتوحه دا طبعا نازل منافس لنجم الجيل تانر حسنى اللى صرح قبله بانه نازل بمسلسله التاريخى اللى هيكسر الدنيا انشاء الله و دا العادى طبعا
ما يعطوا الفلوس دي للغلابة
ما يعطوا الفلوس دي للغلابة احسن
يا عمرو انته مفيش زيك فى
يا عمرو انته مفيش زيك فى الغناا بس التمثيل بيتهيقلى
فيه احسن منك كتيرررر ... فا خليك ززي منته كده قمه فى الغناء
وسيب التامثيل لاهله .... بحب اسمع لك على فكرره
هضبة ايه وخشبة ايه دي حاجة
هضبة ايه وخشبة ايه
دي حاجة تقرف والله مطرب عادي جدا وممثل فاشل جدا وياخد 35 مليون
أنا باقول يمكن 3 ونص بس فيه خطأ ،، وهو حتى لو 3 ونص مليون كتير ولو 3آلاف ونص كتي برضه ،يا انهار ابيض ، الفلوس دي بتيجي منين ومحروم منها الغلابة ليه ، وتنزل زي الرز على واحد زي ده عشان يطل عينا بسحنته وسخافة ضحكته ويقرفنا في رمضان بجانب القرف الموجود ,,, لأ وبيشترط يختار اللي يمثلوا معاه وله نسبة من توزيع المسلسل ،، إلهي كل الشركات دي تفلس أو الشعب يتهدي ويعرف الحقيقة ويقاطع هؤلاء
يارب سترك ورضاك
مبروك ياعموووووره ومستيين
مبروك ياعموووووره ومستيين المسلسل ياهضبه ياكبير اوي
35 مليون؟؟؟ اه يا بلد خيرها
35 مليون؟؟؟ اه يا بلد خيرها رايح للمطربين والممثلين وبتوع الكورة؟ اه مش حرام فيها اللي بيجرالها
هههههههههههههههههههه ساقط
هههههههههههههههههههه ساقط طبعا
كدب كل سنه يقولولنا الكلام ده
كدب كل سنه يقولولنا الكلام ده
حراام عليكم 35مليون عفريت هو
حراام عليكم 35مليون عفريت هو لو كان بيعرف يمثل مكانش قعد كل المدة دى الفلوس دي لو وزعتوها عالغلابة هتفرحهم اكتر من مسلسل ال(جبل) قصدي الهضبة
كبيييييييييييييير يا عمرو
كبيييييييييييييير يا عمرو والله
