محمود سعد يختار "وتلك الأيام" اسماً لبرنامجه الديني الجديد

بصراحه أنا شايفه أن كل اللي إنتقدوا الإعلامي محمود سعد هم فعلا جاهلين ومش عارفين هم بيتكلموا عن إيه الموضوع مش إنه عالم ديني أو مفتي المهم إنه يكون إعلامي مثقف عنده المعلومات اللي تأهله إنه يعمل حوار راقي مع علماء دين عارفين هما بيقولوا إيه يقدروا يفيدوا الناس ويوعوهم لأمور دينهم.وده مجرد رأي

ههههههههه يعنى واحد بيقعد أدام نانسى و هيفا و يقعد يغازلهم
و يستظرف ..
دا نفس الشخص اللى هيقعد بمنتهى الوقار و الاحترام يسمع ف الدين و يتناقش و يتحاور

!!!!!!!

أنا بدأت أشك ان الوسط دا عنده انفصام ف الشخصية

ايه الامخاخ دى بس يا ربى

انا بحب محمود سعد جدا وشايفة انه جدير بانه يقدم برنامج دينى وده مش لانه عالم دينى وما حدش قال انه هيطلع يفتى لكن هو هيدى الفرصة لعلماء اجلاء انهم يفيدونا بعلمهم

عند قرأتي للخبر و التعليقات تذكرت الإعلامي الكبير أحمد فراج و تداعت الذكريات عن هذا البرنامج العظيم و ما قدمه من شيوخ ربما لا يتذكرها احد إلا من جيلي من أمثال الشيوخ البهي الخولي و الشرباصي و سيد صقر و الغزالي و محمد البهي و عبد العزيز كامل و سيد سابق و عبد الحليم محمود و طنطاوي رحمهم الله جميعا و غيرهم الكثيرون من هؤلاء العمالقة ممن لن يجود الزمان بمثلهم مرة اخرى.

اشفق على محمود سعد من المقارنة الغير متكافئة بينه و بين فراج الذي يعد من آخر جيل النبلاء، هذه القامة و القيمة التي أسست الإعلام الديني في العالم الإسلامي ككل . و كلنا يعرف كيف كان بكل هذا العلم قمة في التواضع و حسن الإستماع و إحترام الضيف و عدم إثارة الجدل و الفرقعة كما يفعل الآخرون. هذا إلى جانب عدم وجود علماء على مستوى الراحلين السابق ذكرهم.

المهمة صعبة و تحتاج إلى دراسة كما كنا نسمع كيف كان فراج يدرس و يحضر لبرامجه و ليس مجرد طرح أو قراءة أسئلة.

ادعوا الله ان يوفقه في إعلاء كلمة الحق و الدين و ألا يكون سببا في ظهور الرويبضة في هذا العصر.

ياعم هو قالك هيخطب في البرنامج إيه إنت مبتعرفش تقرأ ده هيقدم ناس شيوخ جداد يعني داعيه لسه جداد إفهم بقى يعني الراجل مذيع فقط وأنا بحب محمود سعد جدا لأنه راجل شريف واللي عاوز يتأكد يخش علي اليوتيوب ويكتب واحد من الناس مع محمود سعد ويسمعه هيعرف قد إيه الراجل ده محترم

يا عالم ارحمونا بقى
حقيقى الواحد زهق واتخنق وبقى مش عارف يقول ايه
بجد زهقنا مرة يجى سيادة رئيس الوزراء احمد نظيف ويتكلم عن النقاب " هو سيادته كان من امتى عالم دينى "
وقبله كان سيادة وزير الثقافة يتكلم عن الحجاب والمحجبات " هو سيادته كان من امتى عالم دينى "
وبعد كده يجى الفنان الكوميدى " احمد آدم " ويتكلم بتهريج فى الدين والصلاة " هو سيادته كان من امتى عالم دينى "
ويهل علينا سيادة الاستاذ محمود سعد ببرنامج دينى جديد " هو سيادته كان من امتى عالم دينى "
ولا علشان البرامج الدينية بقى ليها صيت كبير و اتصالات مباشرة كثيرة
يا جماعة دعوا الدين لأهل الدين من العلماء ومصر فيها الكثير من العمالقة والتى يشيد بهم الجميع من أنحاء العالم ويعرف قدرهم

لايوجد فى التليفزيون غير محمود سعد يجب ان يكون هناك تكافؤ فرص بين المذيعين ومقدمى البرامج خاصة البرامج الدينية التى تستوجب الإلمام بالقرآن الكريم والأحاديث النبوية الشريفة وغيرها من الأمور التى لابد وان تتوافر فى المذيع للبرامج الدينية والمذكور من المذيعيين الذين يحاولون الظهور على الضيف وغالبا مايتحدث أكثر من الضيف فلقد كان العملاق أحمد فراج يعرف أصول الضيافة ويعطى الفرصة للضيف أن يتحدث بحرية ولا يقاطعه ولك أن تشاهد أحد حلقات نور على نور وترى مساحة الكلمات للأستاذ أحمد فراج تجدها قليلة جدا لا تتعدى السؤال أو التعليق البسيط ولكن محمود سعد بياخد الحلقة على حسابه الشخصى ولايصلح أن يقدم برنامجا دينيا..

برنامج نور على نور ليس لفضيلة الشيخ الشعرواي..البرنامج كان من تقديم الإعلامي الكبير أحمد فراج و الذي اكتشف فضيلة الشيخ الشعرواي و قدمه للجمهور من خلال هذا البرنامج العظيم ..و في أواخر حلقات البرنامج أيضا اكتشف الاعلامي أحمد فراج الدكتور زغلول النجار
نتمنى أن يكتشف الاعلامي الكبير محمود سعد نماذج مشرفة من الدعاة مثل هؤلاء ..وليس ممن يسعون للشهرة و المال فقط

والله حرام بجد من غير ما اقري الموضوع اتخنقت ايه التسيب دا هو محمود سعد بقي عالم ديني بيفهم حاجه في الدين يعني درس تفسير ولا خريج شريعه وقانون ولا اصول دين ولا علماء المسلمين شهدولو بالكفاءه وهو دا اللي هيفهمنا الدين صح يعني نسيب بي علمائنا حسان والحويني والمصري ويعقوب والزغبي وقبلهم الشعراوي ونسمع محمود سعد وناخد منه دينا وبعدين هو الدين اي حد بيتكلم فيه ليه هما العلماءوالشيوخ طلع حد فيهم مره قال هعمل برنامج توك شو ولا سينمائي ولا حتي رياضي ياريت كل واحد يخليه في تخصصه مش ناقصين وجع دماغ وتشتت وضلال ولا هو الدين متاح لاي حد يفتي فيه علي الهوا محمود سعد عرفناه من لقاءاته مع دينا والممثلين والممثلات مالو بالدين بس دلوقتي ياريت ندي البرنامج دا لواحد نستفاد منو بجد علشان اكيد محمود سعد هينقي الشيوخ اللي علي هواه شيوخ مودرن ارحمووووووووووونا يارب يتنشر يارب

لو سمحتم انا كان ليا استفسار بسيط انا مش عارفة ليه البيت بيتك مبقاش بيتزاع دلوقتى ممكن حد يجاوبنى وشكراااااا

سبحان الله الحب والقبول ده من عند ربنا انا من محبي الاستاذ محمود سعد ربنا يوفقه ان شاء الله هيكون برنامج متميز